Saintes

Saintes
	Saintes
Lando	Francio
Regiono	Puatuo-Ĉarentoj (Poitou-Charentes)
Departemento	Charente-Maritime (17)
Arondismento	Saintes (subprefektejo)
kantono	ĉefloko de 3 kantonoj
Kodo laŭ INSEE	17415
Poŝtkodo	17100
Urbestro; Mandato	Jean Rouger; 2008-2014
Interkomunumreto	komunumaro Pays Santon
Koordinatoj	45°44′47″N 0°37′00″U / 45.7463888889°N, 0.633333333333°UKoordinatoj: 45°44′47″N 0°37′00″U / 45.7463888889°N, 0.633333333333°U
Alto	2 m (mini) – 81 m (maksi)
Areo	45,55 km2
Loĝantaro	25 595; (1999)
Loĝdenso	562 loĝantoj/km2

El Vikipedio

Saltu al: navigado, serĉo

Saintes estas urbo de Francio en la regiono Puatuo-Ĉarentoj (Poitou-Charentes) kaj en la departemento Charente-Maritime. La historia urbo situas en la sudokcidento de la lando kaj estas sidejo de subprefektejo de la departemento Charente-Maritime. Ĝi fondiĝis ĉirkaŭ la jaro 20 antaŭ Kristo pere de la romianoj borde de la rivero Charente kaj tiutempe havis la nomon Mediolanum Santonum. Saintes estis la ĉefurbo de tiutempa Saintonge kaj havis sian nomon de loka gaŭla popolo de la antaŭ-romia epoko, la santonoj.

la rivero Charente en Saintes

[redakti] Kulturo kaj vidindaĵoj

[redakti] Romia epoko

la triumfa arko de Germanicus (19 p.K.) ĉe la orienta bordo de la rivero, restaĵo de la antikva romia urbo Mediolanum Santonum

Vidindaĵoj estas la romiaj ruinoj, ekzemple la amfiteatro kaj la triumfa arko de Germanicus (19 p.K.) ĉe la orienta bordo de la rivero, aldone ankaŭ la urba arkeologia muzeo, kiu traktas la prahistorian kaj romian epokojn de la regiono.

[redakti] Mezepoko

la preĝejo Saint Eutrope

Pri la mezepoka historio atestas inter alie diversaj kristanaj preĝejoj, ekzemple la katedralo Saint Pierre el la 15-a jarcento aŭ la ankoraŭ pli signifaj restoj de la granda pilgrima preĝejo Saint Eutrope de 1096, kies navo detruiĝis. La preĝejo dum la jaro 1998 honoriĝis kiel parto de la monda kultura heredaĵo der UNESKO „Jakoba Vojo en Francio“.

la katedralo Saint Pierre (Sankta Petro)

En la okcidento de la historia urbocentro, okcidente de la rivero, situas la abatejo Abbaye aŭ Dames, eksa monaĥinejo, kiun sia signifa abateja preĝejo Sainte-Marie-des-Dames, kiu havas faman fasadan skulptaĵon kaj estas trezoro de romanisma konstruarto en Francio.

Ekde la jaro 1271 la urbo dividiĝis en du partojn. La maldekstra, okcidenta bordo iĝis parto de la influa zono de la reĝo de Anglio kaj la dekstra, oriente bordo restis franca. Dum la jaro 1360 la angloj tute transprenis la urbon kaj dum la jaro 1404 ĝi denove konkeriĝis tute de la francoj. Dum la 16-a jarcento la urbo estis skuata de la religiaj militoj, ĉar tiutempe multaj luteranoj loĝis en la regiono.

[redakti] Moderno

Dum la moderna epoko aldoniĝis pluraj artaj muzoj, inter alie la musée de l'Échevinage, kiu ekspozicias artajn porcelanaĵojn kaj argilaĵojn.

[redakti] Historiaj vojoj

Dum la romia epoko, la urbo situiis ĉe la romia vojo via Agrippina.
Unu el la vojoj en la reto de la francaj Jakobaj Vojoj de kristanaj pilgrimoj al la galega urbo Santiago de Compostela gvidiĝas de Tours al Roncesvalles kaj en la vojoparto pasas la urbojn Aulnay, Saint-Jean-d'Angély, Saintes, Pons, Saint-Genis-de-Saintonge kaj Mirambeau.

la justica palaco
strataj kafejoj
la arta muzeo Musée de l'Échevinage: fasado
...kaj muzea korto

[redakti] Loĝantaro

La urba loĝantaro dum la lastaj 200 jaroj kvarobliĝis de 8388 homoj dum la jaro 1794 ĝis 25.595 dum la jaro 1999. Laŭ taksoj la urbo jam dum la romia epoko havis 15.000 loĝantojn.

*1821-2008*
1821	1831	1836	1841	1846	1851	1856	1861
10 274	10 437	9 559	9 994	11 363	11 569	11 927	10 962
1866	1872	1876	1881	1886	1891	1896	1901
11 570	12 437	13 725	15 763	17 327	18 461	20 285	18 219
1906	1911	1921	1926	1931	1936	1945	1954
19 025	20 802	19 152	20 468	20 592	21 160	23 441	23 768
1962	1968	1975	1982	1990	1999	2006	2008
25 717	26 507	26 891	25 471	25 874	25 595	26 531	26 471

1793-2007

[redakti] Trafiko

De la aŭtoŝoseo 10 (Parizo-Bordeaux) la urbo facile atingeblas pere de la elveturejo 35. Multaj feriantoj el la centro de Francio tie forlasas la aŭtoŝoseon kaj pluvojas sudokcidenten sur nacia ŝoseo al la feria urbo Royan kaj parte per pramo plu al la duoninsulo Médoc. Ankaŭ en la la reto de la franca fervoja societo (SNCF) la urbo estas bone enplektita. En la urbo ekzistas tri busaj linioj.