Charente-Maritime

El Vikipedio, la libera enciklopedio
Saltu al: navigado, serĉo
Charente-Maritime
Insigno de Charente-Maritime
Situo de Charente-Maritime
Administrado
Lando Flago-de-Francio.svg Francio
Regiono Puatuo-Ĉarentoj
Numero 17
Prefektejo La Rochelle
Subprefektejoj Jonzac
Rochefort
Saintes
Saint-Jean-d'Angély
Prezidanto de la
ĝenerala konsilio
Dominique Bussereau
Statistikaĵoj
Loĝantaro 629 124 (2012)
Loĝdenso 91,7 loĝ./km2
Areo 6 863,8 km2
Subdividoj
Arondismentoj 5
Kantonoj 51
Interkomunumoj 25
Komunumoj 472
v  d  r
Information icon.svg

Charente-Maritime [ʃaʁɑ̃t maʁitim] estas unu el la kvar departementoj de la franca regiono Puatuo-Ĉarentoj. Ĝia areo estas 6 863,8 km2 kaj ĝi havis 629 124 loĝantojn en la jaro 2012[1]. La ĉefurbo de la departemento estas La Rochelle; aliaj gravaj urboj estas Rochefort, Royan, Saintes, Saint-Jean-d'Angély kaj Jonzac. La departemento entute havas 472 komunumojn.

La nomo “Charente-Maritime” devenas de la rivero Charente. La adjektivo maritime (“marborda”) estis aldonita por distingi ĝin de la najbara departemento Charente. Ĝi unue nomiĝis Charente-Inférieure, sed tiu nomo estis ŝanĝita en la jaro 1941 pro malfavoraj kunsencoj de la vorto inférieur (“malsupra” aŭ “malsupera”).

Geografio[redakti | redakti fonton]

Aera bildo de la insulo Ré

Charente-Maritime posedas longan marbordon ĉe Atlantiko. Kvar insuloj situas apud la ĉarenta marbordo kaj apartenas al ĝia teritorio:

  • la plej granda estas Oléron, turisma insulo atingebla per ponto;
  • , en la nordo de la departemento, estas konektita al La Rochelle per ponto;
  • Aix estas malgranda insulo inter Oléron kaj la enfluejo de Charente kaj aŭtoj estas malpermesitaj tie;
  • Madame estas la plej malgranda, atingebla perpiede de Port-des-Barques kiam maro estas malalta.

La norda parto de la departemento konsistas el vasta ebenaĵo, la centra parto el sinsekvo de valoj kaj montetoj kaj la suda parto konsistas ĉefe el sablecaj nefruktodonaj grundoj.

En la departemento fluas kvar riveroj:

Plejparto de la loĝantaro koncentriĝas laŭ la marbordo, dum la interna parto perdas siajn loĝantojn.

Administrado[redakti | redakti fonton]

Loupe.svg Pli detalaj informoj troveblas en la artikoloj Komunumoj de Charente-Maritime, Kantonoj de Charente-Maritime kaj Arondismentoj de Charente-Maritime.
La kvin arondismentoj de Charente-Maritime kun siaj ĉefurboj

Charente-Maritime apartenas al la regiono Puatuo-Ĉarentoj kaj havas landlimojn kun la departementoj Vendée, Deux-Sèvres, Charente, Dordogne kaj Gironde.

Ĝia teritorio estas dividita en:

Ekonomio[redakti | redakti fonton]

Agrikulturo[redakti | redakti fonton]

Agrikulturo ludas, kiel en multaj aliaj francaj regionoj, ĉefan rolon, kaj okupas pli ol 30% el la laboranta loĝantaro: bredado, kultivado de tritiko, maizo, sunfloroj, vinberoj (famaj vinoj estas konjako kaj Pineau), kaj kompreneble fiŝkaptado en la oceano. Charente-Maritime estas la franca departemento, kiu produktas plej multe da mituloj kaj ostroj.

Turismo[redakti | redakti fonton]

Fortikaĵo Bojardo (Fort Boyard), unu el la plej famaj lokoj de Charente-Maritime

La departemento ofertas grandan diversecon de vizitindaĵoj, kaj pro tio ĝi estas grava turisma loko. La marbordo kun siaj insuloj (463 km da marbordo) invitas al ferioj: plaĝoj, sportoj, eblecoj por fiŝkaptado, ekskursado piede, bicikle aŭ rajde, gastronomio kaj vinoj, kultura turismo, vizito de la urbo La Rochelle, romanika arto… La allogaĵoj ne mankas.

Bildoj[redakti | redakti fonton]

Notoj kaj fontoj[redakti | redakti fonton]

Vidu ankaŭ[redakti | redakti fonton]

Vidu ankaŭ[redakti | redakti fonton]

Eksteraj ligiloj[redakti | redakti fonton]