Allier
El Vikipedio
| Allier (03) | |
|---|---|
  |
|
 |
|
| Lando |  Francio |
| Regiono |  Aŭvernjo |
| Prefektejo |  Moulins |
| Subprefektejoj |  Montluçon |
| Loĝantaro | 342 284 loĝantoj (2005) |
| Loĝdenso | 47 loĝantoj/km² |
| Areo | 7 340 km² |
| Arondismentoj | 3 |
| Kantono | 35 |
| Interkomunumoj | 21 |
| Komunumoj | 320 |
| Prezidento de la ĝenerala konsilio |
Jean-Paul Dufregne |
Allier [alie] estas la plej norde situanta el la kvar departementoj de la franca regiono Auvergne. Ĝis proksimume egalas la malnovfrancan provincon Bourbonnais. Ĝi etendiĝas sur surfaco de 7 340 km² kaj havas 342 284 enloĝantojn. Ĝi ŝuldas sian nomon al rivero Allier kiu trairas ĝin. La ĉefurbo estas Moulins [mulen]. Allier estas la sola aŭvernja departemento kie oni historie ne parolas la okcitanan lingvon. La departemento enhavas 320 komunumojn.
La suda parto de la departemento troviĝas sur la lastaj deklivoj de la Centra Montaro, kaj la norda parto konsistas el larĝaj valoj kaj fruktodonaj ebenaĵoj.
Ekonomio baziĝas sur agrikulturo, kiu estas pli produktiva en tiu ĉi departemento ol en la ceteraj de la regiono, pro pli bonkvalitaj terenoj kaj pli milda klimato. Bredado (bovedoj, porkedoj) kaj kultivado de cerealoj estas la plej gravaj aktivecoj de tiu agrikulturo. Ekzistas ankaŭ industria vivo, sed malgrandskale : mekanikaj aŭ elektraj konstruadoj.
Kelkaj kuriozaĵoj : Moulins (pr. muli~') kaj sia katedralo, la malnova industria urbo Montluçon, la fama ban-urbo Vichy (pr. viŝi), kaj la lakoj kaj arbaroj de la regioneto Combrailles.
[redaktu] Vidu ankaŭ jenon:
[redaktu] Eksteraj ligiloj
http://www.allier.pref.gouv.fr- http://www.cg03.fr
- http://www.tourisme.fr/carte/carte-departement-Allier.htm
- http://www.pays-bourbon.com
