Charente
 |
Tiu ĉi artikolo temas pri la franca departemento. Por la samnoma rivero, vidu Charente (rivero). |
| Charente (16) | |
|---|---|
 |
|
 |
|
| Lando |  Francio |
| Regiono |  Puatuo-Ĉarentoj |
| Prefektejo | Angoulême |
| Subprefektejoj | Cognac |
| Loĝantaro | 351 581 loĝantoj (2008) |
| Loĝdenso | 59 loĝantoj/km² |
| Areo | 5 956 km² |
| Arondismentoj | 3 |
| Kantono | 35 |
| Interkomunumoj | 26 |
| Komunumoj | 404 |
| Prezidento de la ĝenerala konsilio |
Michel Boutant |
Ĉarento [France : ŝarãt] estas unu el la departementoj de la franca regiono Puatuo-Ĉarentoj. La teritorio estas 5 953 km² granda, kaj la departemento havas 339 620 enloĝantojn. Charente prezentas pejzaĝojn de larĝaj valoj kaj ebenaĵoj kaj kelkaj malaltaj montetoj. La ĉefurbo de la departemento estas Angoulême. Aliaj urboj: Cognac kaj Confolens. La departemento tute enhavas 404 komunumojn.
Agrikulturo ludas la plej gravan rolon en la departementa ekonomio, kaj okupas 36% de la laboranta populacio. Oni trovas ĉefe kultivadon de tritiko, maizo, sunfloroj, kaj vinberoj (famas la vinoj de Cognac kaj Pineau des Charentes). Bredado restas tamen grava aktiveco en kelkaj partoj de Charente (bovedoj). Industrio ne estas tre dinamika, sed konas grandan diversecon: fabrikado kaj transformigado de nutraĵoj, fabrikado de ŝuoj, tradicia fabrikado de porcelanaĵoj, teksaĵoj, ...).
La kultura patrimonio de la departemento estas riĉega : multaj kasteloj (Cognac, Villebois-Lavalette, La Rochefoucauld, Barbezieŭ, Aigre), romanikaj preĝejoj (Angoulême, Bassac, Saint-Amant-de-Boixe), mezepokaj urboj (Confolens). La mildaj pejzaĝoj de Charente ankaŭ estas allogaĵoj por la turistoj, samkiel la vinoj, la gastronomio aŭ la nun fama internacia festivalo pri bildstrio-arto.
