La Rochelle

El Vikipedio, la libera enciklopedio
Saltu al: navigado, serĉo
Disambig.svg Por samtitola artikolo vidu la paĝon Rochelle.
La Rochelle
La turoj de la malnova haveno
La turoj de la malnova haveno
Administrado
Lando Flago-de-Francio.svg Francio
Regiono Puatuo-Ĉarentoj
Departemento Charente-Maritime
Arondismento La Rochelle
Kantono La Rochelle-1, 2, 3, 4, 5, 6, 7, 8, 9
Interkomunumreto Communauté d'agglomération de La Rochelle
Urbestro Jean-François Fountaine (2014–2020)
Insee-kodo 17300
Poŝtkodo 17000
Demografio
Loĝantaro 74 880 (2010)
Loĝdenso 2 633,8 loĝ./km2
Geografio
Koordinatoj 46°09′36″N 1°08′60″U  /  46.160037°N, 1.14996°U / 46.160037; -1.14996 (La Rochelle)Koordinatoj: 46°09′36″N 1°08′60″U  /  46.160037°N, 1.14996°U / 46.160037; -1.14996 (La Rochelle)
Alteco 0 ĝis 28 m
Areo 28,43 km2
Situo

Geografia lokigo sur la mapo : Charente-Maritime

La Rochelle (Charente-Maritime)
DEC
Red pog.svg

Geografia lokigo sur la mapo : Francio

La Rochelle (Francio)
DEC
Red pog.svg
v  d  r
Information icon.svg

La Rochelle [laʁoʃɛl] Por aŭskulti bv alklaki ĉi ligon "aŭskulti" aŭskulti estas komunumo kaj haveno ĉe la Atlantika Oceano en la regiono Puatuo-Ĉarentoj, en okcidenta Francio. Ĝi estas la prefektejo de la departemento Charente-Maritime (17).

La Rochelle havis 74 880 loĝantojn en la jaro 2011[1] kaj estas la koro de urba areo kun proksimume 200 000 loĝantoj.

Geografio[redakti | redakti fonton]

Departementa situo de La Rochelle

La Rochelle situas ĉe la Atlantika Oceano, proskimume ĉe la mezo de la franca atlantika bordo, fronte al la insulo Ré, kun kiu ĝi estas ligita per 2,9-kilometra ponto finpretigita en 1988. La insuloj Oléron kaj Aix estas ankaŭ proksimaj.

La najbaraj komunumoj estas L'Houmeau nordokcidente, Lagord norde, Puilboreau nordoriente, Périgny oriente kaj Aytré sudoriente. (Rivedoux-Plage, okcidente, estas atingebla per la ponto.)


Historio[redakti | redakti fonton]

La blazono de La Rochelle

La Rochelle estis fondita dum la 10-a jarcento, kaj fariĝis grava haveno ekde la 12-a jarcento. En 1137, la duko de Akvitanio donis al la urbo novan statuton de “libera haveno”. 50 jarojn poste, la unua urbestro en la historio de Francio enoficiĝis en La Rochelle, kaj nomiĝis Guillaume DE MONTMIRAIL. Ĝis la 15-a jarcento, La Rochelle restis la plej granda franca haveno ĉe la Atlantika Oceano, ĉefe komercinte vinon kaj salon.

Kardinalo Richelieu dum la sieĝo de La Rochelle

Dum la Renesanco, la loĝantoj de La Rochelle konvertiĝis al protestantismo, kaj fariĝis ekde 1568 grava centro por la francaj protestantoj (la Huguenots), tiel iniciatinte pacan kaj prosperan periodon ĝis 1620. La urbo finfine konfrontiĝis kun la reĝa potenco de katolika Ludoviko la 13-a, kiam kelkaj kanonpafoj okazis inter La Rochelle kaj reĝaj rotoj la 10-an de septembro 1627. Tio kaŭzis la sieĝo de La Rochelle : la potenca kardinalo Richelieu ĉirkaŭis la urbon dum 14 monatoj, ĝis la kapitulaco de La Rochelle, kiu do perdis sian urbestron kaj sian privilegiojn. La sekva periodo estis tamen tre prospera, ĉefe danke al intensa komerco kun Kanado kaj Antiloj.

En 1864, la haveno de La Rochelle estis la elektita loko por la provo de la unua submarŝipo en la tuta monda, la Plongeur, estrita de Marie-Joseph-Camille Doré, kiu naskiĝis en La Rochelle.

Dum la Dua mondmilito, Germanio starigis submarŝipan bazon. Tio forta germana bastiono estis la lasta liberigita loko en Francio.


Turismo[redakti | redakti fonton]

La urbocentro de La Rochelle
La pordego de la Granda Horloĝo

La Rochelle belege konservis sian estintan arkitekturon; notindaj estas la mezepokaj defendoturoj de la malnova haveno. Ĝi estas tial unu el la plej pitoreskaj kaj historie grandvaloraj francaj urboj ĉe la Atlantika Oceano. Tio favorigis disvolviĝon de forta turisma ekonomio.

Unu el la plej grandaj muzikaj festivaloj de Francio, “FrancoFolies”, okazas ĉi tie ĉiusomere. Franclingvaj muzikistoj kunigas dum unu semajno. 2004 estis la 20-a datreveno de tiu okazaĵo.

La akvariejo de La Rochelle, unu el la plej grandaj en Eŭropo, ricevas 800 000 vizitantojn ĉiujare.

Transporto[redakti | redakti fonton]

Havenoj[redakti | redakti fonton]

La haveno Les Minimes

En La Rochelle estas pluraj havenoj:

Fervojo[redakti | redakti fonton]

La stacidomo La Rochelle-Ville

En La Rochelle estas du stacidomoj. La stacidomo La Rochelle-Ville estas la ĉefa: de ĝi eblas iri al Parizo tra Niort kaj Poitiers per rapida trajno (TGV). Krome, regionaj trajnoj (Intercités kaj TER) iras interalie al Nantes, Bordeaux, Rochefort, Saintes, Angoulême kaj La Roche-sur-Yon.

La pli malgranda stacidomo La Rochelle-Porte Dauphine estas finstacio de regiona linio ĝis Saintes.

Flughaveno[redakti | redakti fonton]

La Rochelle havas flughavenon: la flughaveno La Rochelle - île de Ré. Ĝi havas flugojn al Liono, pluraj urboj de Britio (Londono, Edinburgo, Glasgovo, Manchester…) kaj Irlando (Dublino, Cork), kaj ankaŭ al Oslo.


Notoj kaj referencoj[redakti | redakti fonton]

  1. Insee. Populations légales 2011 - 17300-La Rochelle france. Alirita la 22-an de aprilo 2014.

Vidu ankaŭ[redakti | redakti fonton]

Vidu ankaŭ[redakti | redakti fonton]

Eksteraj ligiloj[redakti | redakti fonton]