Santa Ana (Kalifornio)

El Vikipedio, la libera enciklopedio
Saltu al: navigado, serĉo
Disambig.svg Pri aliaj loĝlokoj ankaŭ nomataj "Santa Ana" vidu la apartigan liston Santa Ana.

Santa Ana estas grandurbo en Usono, en subŝtato Kalifornio, en Kantono Orange (Kalifornio). Ĝi estas administra urbo de la kantono.

Bildaro pri Santa Ana
Mapo pri Kalifornio, kie estas trovebla Santa Ana en la sudokcidenta parto proksime de Los Anĝeleso

Bazaj informoj[redakti | redakti fonton]

Situo[redakti | redakti fonton]

Santa Ana situas laŭ rivero havanta same tiel la nomon Santa Ana kaj laŭ aŭtovojo (ankaŭ tiu nomiĝas Sankta Ana). La marbordo troviĝas je 16 km-oj.

Historio[redakti | redakti fonton]

Indianoj vivis tie antaŭ apero de la hispanoj. En la 1770-aj jaroj la unuaj eŭropanoj nomumis la lokon kaj la ĉirkaŭaĵon valo de Sankta Anna. En 1810 hispana serĝento havis tie terkoncesian bienon, kiu havis la nomon "Santiago de Santa Ana". En 1848 Usono venkis Meksikion en milito, sekve grandnombre alvenis usonanoj. En 1906 interurba tramo ekfunkciis el Los Anĝeleso. Baldaŭ tiu ŝanĝiĝis al aŭtovojo. Dum la 2-a mondmilito armea bazo funkciis ĉe la urbo.

Klimato[redakti | redakti fonton]

Santa Ana havas mediteranean klimaton, kun freŝaj, malsekaj vintroj kaj la sekan, varman sunan someron. Ĉiujare pluvas resume 356 mm (de novembro ĝis aprilo).