Sattel SZ

El Vikipedio, la libera enciklopedio
Saltu al: navigado, serĉo
Sattel
Blazono de Sattel
Sattel
Kantono Ŝvico
Distrikto Ŝvico
Koordinatoj  47°4′52″N 8°38′3″O  /  47.08111°N, 8.63417°O / 47.08111; 8.63417 (Sattel SZ)Koordinatoj: 47°4′52″N 8°38′3″O  /  47.08111°N, 8.63417°O / 47.08111; 8.63417 (Sattel SZ)
Nombro de enloĝantoj 1735
Areo 17,3 km²
Alteco 794 m super marnivelo
Poŝtkodo 6417
Komunumkodo 1371
Mapo de Sattel

Pri la komunumo[redakti | redakti fonton]

Sattel estas komunumo en la distrikto Ŝvico en Kantono Ŝvico, Svislando. Ĝi havis 1735 loĝantojn je la 31-a de decembro 2009.

Geografio[redakti | redakti fonton]

Sattel situas ĉe la bordo de la rivero Steiner Aa, la ĉefa alfluanto de Lago de Laŭerco, okcidente de la samnoma montpasejo, sude de la Lago de Ägeri. Al la komunumo apartenas krom la vilaĝo Sattel mem la vilaĝetoj Ecce Homo, Schornen kaj Mostel.

Najbaraj komunumoj[redakti | redakti fonton]

La komunumo Sattel limas en nordo al Oberägeri (ZG), en oriento al Rothenthurm, en sudoriento al Ŝvico, en nordokcidento al Steinen, en okcidento al Steinerberg, kaj en norokcidento al Unterägeri (ZG).

Trafiko[redakti | redakti fonton]

Tra Sattel pasas la grava kantona ĉefvojo n-ro 8 de Ŝvico al Pfäffikon kaj la trajnlinio de la Svisa Sudorienta Fervojo de Sankt-Galo tra Rapperswil kaj Arth-Goldau al Lucerno. Krome ekzistas buslinioj al Oberägeri kaj Biberbrugg kaj kabinotelfero al Mostelberg.

Historio[redakti | redakti fonton]

La unua dokumenta mencio de Sattel datiĝas el la jaro 1342 per la vortoj an dem sattel.

Inter Sattel kaj Oberägeri okazis la 15-an de novembro 1315 la Batalo de Morgarten, dum kiu la ŝvicanoj venkis la armeon de la Habsburgoj, kiuj volis puni Ŝvicon pro la alproprigo de la teritorioj sudoriente de la montmasivo Mythen. La fatala malvenko de la Habsburgoj cementis la federacion de la Svisa Ĵurkomunumo, kaj komenciĝis la kresko de la Ĵurkomunumo al eŭropa grandpotenco, kiu evoluo ĉesis nur 4 jarcentojn poste.

Ĝis 1598 Sattel apartenis al la paroĥo Steinen, tiam ĝi fariĝis memstara paroĥo. En la jaro 1776 Rothenthurm apartiĝis de Sattel fariĝante aparta paroĥo. [1]

Vidu ankaŭ[redakti | redakti fonton]

  • Aliaj lokoj kun la nomo Sattel

Notoj kaj referencoj[redakti | redakti fonton]

  1. Fonto: Andreas Meyerhans: Sattel en Historia Leksikono de Svislando (2010-09-22)

Eksteraj Ligiloj[redakti | redakti fonton]

  • Kunlaboru en Commons Komunejo proponas multimediajn dosierojn al temo sub la gloso Sattel