Akihito

El Vikipedio, la libera enciklopedio
Saltu al: navigado, serĉo
Akihito
Japana imperiestro
Emperor Akihito cropped 2 Barack Obama Emperor Akihito and Empress Michiko 20140424 1.jpg
Regado 1989 – ĝis nun
Naskiĝo 23-a de decembro 1933
en Japanio
Antaŭulo Imperiestro Hirohito
Edzino Imperiestrino Michiko
Idaro Princo Naruhito
(1960-)

Princo Akishino
(1965-)
Sinjorino Sayako
(1969-)

Patro Hirohito
Patrino Kōjun
v  d  r
Information icon.svg

Akihito (明仁[aki-hito]; naskiĝis 23-a de decembro 1933 - ) estas la 125-a Imperiestro de Japanio. Oni evitas nomi vivantan imperiestron kun lia nomo sed nomas lin "Lia Imperia Moŝto la Imperiestro" (天皇陛下 Tennō Heika) aŭ "reganta Imperiestro" (今上天皇 Kinjō Tennō).

Lia erao estas titolita "Heisei" (平成). Li iĝos Imperiestro Heisei post sia morto.

Vivo[redakti | redakti fonton]

Akihito estas la plejaĝa filo de la Imperiestro Showa (Hirohito) kaj imperiestredzino Kojun (Nagako). En infaneco li estis titolata Princo Tsugu(継宮 [cugu no mija]). Li estis edukata de privata guvernisto, kaj ĉeestis la elementan kaj duarangan departmenton de la Nobela Lernejo (Gakushuin) ekde 1940 ĝis 1952. Li estis disigita de siaj gepatroj, kiam li estis 3-jaraĝa.

Dum Usono bombis Tokion en marto 1945, li kaj lia pli juna frato Princo Masahito (nun Princo Hitachi) rifuĝis el la urbo. Dum Usono okupadis Japanion post la Dua mondmilito, Akihito estis edukata angle de Elizabeth Gray Vining. Li studis ĉe la Departemento de Politika Scienco ĉe Universitato Gakushuin en Tokio, kvankam li ne ricevis akademian titolon.

Tamen poste li iĝis amatora fakulo pri fiŝ-scienco kaj eldonis multe da raportoj kaj libroj pri gobiuso.

La 10-an de novembro 1951, li deklaris, ke li estas kronprinco je la ceremonio "立太子の礼" (Rittaishi no Rei).

En junio 1953, kronprinco Akihito reprezentis Japanion ĉe la kronado de Elizabeto la 2-a de la Unuiĝinta Reĝlando.

La 10-an de aprilo 1959, li edziĝis al Shoda Michiko, kies patro Shoda Hidesaburo estas prezidanto kaj poste honora prezidanto de la muelisto-kompanio Nisshin. La nova kronprincino estas la unua nenobelo, kiu per geedziĝo eniris la imperiestran familion.

Kronprinco Akihito kaj Kronprincino Michiko vizitis oficiale 37 landojn.

La 7-an de januaro 1989, lia patro Hirohito forpasis. Tial Kronprinco Akihito iĝis la 125-a Japana Imperiestro la 12-an de decembro1990.

De post la heredo de la trono, la nuna imperiestro penis por proksimigi la imperian familion al la Japana popolo. Li kaj lia edzino vizitis oficiale 18 landojn kaj ankaŭ 47 prefektujojn de Japanio.

Imperiestro Akihito kaj imperiestredzino Michiko havas 3 gefilojn: Kronprinco Naruhito (naskiĝis la 23-an de februaro), princo Fumihito (naskiĝis la 11-an de novembro) kaj princino Sayako (naskiĝis la 18-an de aprilo 1969).

La 13-an de julio 2016 japana novaĵagentejo raportis, ke Akihito deziras abdiki favore al sia plej aĝa filo, kronprinco Naruhito, kaj la 8-an de aŭgusto 2016 li konfirmis tion en televida alparolo al la tuta nacio. La nuna jura bazo de la imperiestra familio tamen devos esti amendita por ebligi tian abdikon.[1][2]

Order of White Eagle Poland-Order Star.jpg
Akihito estas kavaliro de la Ordeno de Blanka Aglo, la plej alta ŝtata honorigo de la Pola Respubliko.



Antaŭa:
Showa
Imperial Seal of Japan.svg
Imperiestroj de Japanio
Sekva:
neniu

Fontoj[redakti | redakti fonton]

  1. Japan's Emperor Akihito hints at wish to abdicate. BBC News (8 August 2016). Alirita 8 August 2016.
  2. Message from His Majesty The Emperor. The Imperial Household Agency (8 August 2016). Alirita 8 August 2016.