Boroviĉeskij (distrikto)
| distrikto de Boroviĉi | |||
| ruse: Боровичский район | |||
| distrikto de la Novgoroda provinco | |||
 | |||
|
|||
| Lando |  Rusio
| ||
|---|---|---|---|
| Administra centro | Boroviĉi | ||
| Areo | 3 137,90 km² (313 790 ha) | ||
| Loĝantaro | 62 502 (2020) | ||
| Denseco | 19,92 loĝ./km² | ||
| Estiĝo | 1927 | ||
| Horzono | UTC+03 | ||
| Tel. prefikso | +7 81664x-xx-xx | ||
| OKATO | 49 206 000 000 | ||
.svg) La distrikto de Boroviĉi sur la mapo de la Novgoroda provinco
| |||
 Vikimedia Komunejo: Borovichsky District
| |||
| Retpaĝo: Oficiala paĝaro de la distrikto | |||
.png)
_(1772).png)
La distrikto de Boroviĉi aŭ Boroviĉeskij distrikto (ruse Боровичский район) estas distrikto de la Novgoroda provinco, Rusio. La administra centro de la distrikto estas la urbo Boroviĉi.[1] La loĝantaro de la distrikto en 2020 estis 62 502 homoj.[2]
Geografio
[redakti | redakti fonton]
La distrikto de Boroviĉi situas sud-oriente en la Novgoroda provinco, sur la Valdaja altaĵo. Tiun lastan la valo de Msta (la plej granda rivero de la distrikto) disigas je du partoj: Valdaja sude kaj Tiĥvina norde. La areo de la distrikto estas 3 137,90 km².[3] Okcidente ĝi najbaras kun la distrikto de Okulovka, nord-okcidente – kun la distrikto de Lubitino, nord-oriente – kun la distrikto de Ĥvojnaja, oriente – kun distrikto de Moŝenskoje; sude kaj sud-oriente – kun la Tverja provinco.[1]
Simboloj
[redakti | redakti fonton]La blazono de la distrikto de Boroviĉi estas sama kiel tiu de la urbo Boroviĉi. La nuna blazono unuafoje aperis en la 2-a de aprilo[jul.]/ 13-a de aprilo 1772[greg.], du jarojn post kiam Boroviĉi ricevis urban statuson. La blazono estas ŝildo, vertikale partigita je du kampoj. La maldekstra estas hel-blua kaj en ĝi estas pentrita la suno. La dekstra estas arĝenta kaj en ĝi estas pentrita ŝipa rudro.[4]
La flago de la distrikto de Boroviĉi havas la proporcion 3:2 inter la longo kaj la alto. La flago estas simple blanka, en ties centro troviĝas la blazono, kiu okupas okonon da la flaga areo.[5]
Vidindaĵoj
[redakti | redakti fonton]
Je 35 km de la urbo Boroviĉi situas la vilaĝo Suvorovo-Konĝanskoe, en kiu troviĝas la muzeo de Aleksandr Suvorov. Tie situis lia bieno, en kiun li estis ekzilita ekde la 5-a de majo 1797 ĝis la 7-a de februaro 1799.[6]
En la urbo Boroviĉi troviĝas la historia muzeo de la Boroviĉi kaj de ties ĉirkaŭaĵoj, fondita en 1918.[7]
En la teritorio de la distrikto situas kelkaj arkeologiaj kaj arkitekturaj objektoj.
Je 6 km post (laŭ la fluo) la vilaĝo Opeĉenskij Posad, je 20 antaŭ la urbo Boroviĉi, en Msta-on enfluas la subtera rivero Poneretka (ruse Понеретка), elfluante el la borda deklivo. Oni deklaris ĝin naturmonumento.[8] La rivero estas konata de amatoroj de nekutima akva turismo: dum unu kilometro en la rivero eblas subtera navigado per kajakoj.
Referencoj
[redakti | redakti fonton]- ↑ 1,0 1,1 Район: Характеристика (ruse). Administrantaro de la municipa distrikto Boroviĉeskij. Alirita 2021-02-19.
- ↑ Численность населения Российской Федерации по муниципальным образованиям на 1 января 2020 года (ruse) (rar). Rusia Federala Servo de Ŝtata Statistiko. Arkivita el la originalo je 2020-10-17. Alirita 2021-02-17.
- ↑ Rusia Federala Servo de Ŝtata Statistiko. La datumbazo pri municipoj. Areoj de la administraj unuoj de la Novgoroda provinco Arkivigite je 2018-11-17 per la retarkivo Wayback Machine (ruse).
- ↑ Город Боровичи (ruse). Unio de heraldikistoj de Rusio. Alirita 2021-02-19.
- ↑ Решение об утверждении Положения о флаге Боровичского муниципального района (ruse). Administrantaro de la municipa distrikto Boroviĉeskij. Alirita 2021-02-19.
- ↑ La muzeo de Aleksandr Suvorov.
- ↑ La historia muzeo de la Boroviĉi kaj de ties ĉirkaŭaĵoj.
- ↑ Naturmonumentoj de Novgoroda provinco (ruse).
| ||||||||||
