Edmond Hervé
Edmond Hervé, naskiĝinta la 3-an de decembro 1942 en La Bouillie en departemento Côtes-du-Nord), estas franca politikisto ano de la Socialista Partio, urbestro de Rennes de 1977 ĝis 2008 kaj de tiam senatano de departemento Ille-et-Vilaine. Li okupis plurajn postenojn, el kiuj tiu de ministro pri sano en la dua sepjara prezidenteco de François Mitterrand.
Biografio
[redakti | redakti fonton]Filo de partfarmistoj, li estas licenciulo en publika juro de la universitato de Parizo. Li posedas ankaŭ diplomon pri superaj studoj en publika juro kaj alian en politika scienco. Li fariĝis docento pri administracia juro kaj pri konstitucia juro en 1969. Li estas patro de tri infanoj : filino kaj du ĝemelaj filoj.
Urbestro de Rennes
[redakti | redakti fonton]Li progresis en politiko per la vojo de batalanto. Li fariĝis urbestro de Rennes en 1977. Du jarojn poste, li forlasis sian profesion de instruisto por dediĉi sian tempon al sia mandato.
Prezidanto de la "Distrikto de Rennes", fariĝinta poste Communauté d'agglomération "Rennes Métropole", li komencis intensan urban politikon : socia mikseco, subteno al kulturo, ekologio, piedira reto, kreskigo de la publikaj transportoj (VAL, aŭtomatigita Metroo de Rennes) kaj esplorado ligita al novaj teknologioj (teknopoluso Rennes Atalante).
Rennes estas regule klasita de magazinoj (L'Express, Le Point, Le Nouvel Observateur) kiel unu el la plej agrablaj urboj en Francio.
Li oficiale anoncis la 20-an de januaro 2007 ke li ne kandidatos por sesa mandato en la urba baloto en 2008[1].
La eliranta urbestro de Saint-Jacques-de-la-Lande, Daniel Delaveau, estis elektita la 7-an de marto 2007 per la Socialista Partio (PS) por konduki la socialistan liston okaze de tiu elekto[2]. Daniel Delaveau estis elektita kiel urbestro de Rennes la 22-an de marto 2008, sekve de la urba baloto en 2008.
Afero de la infektita sango
[redakti | redakti fonton]Edmond Hervé estis kondamnita en la afero de la infektita sango de la supra kortumo pri ministroj pro manko al devigo pri sekureco kaj singardo, sed li estis liberigita je puno, ĉar, laŭ la kortumo, li « ne profitis absolutan probablecon pri senkulpo » kaj li estis « submetita antaŭ juĝo, al ekscesaj taksadoj »[3].
Nacia kariero
[redakti | redakti fonton]
- Deputito de Ille-et-Vilaine de 1981 ĝis 1993 kaj de 1997 ĝis 2002. Unua indiko de lia partoprena redukto en politiko, li ne rekandidatis okaze de la deputitaj balotoj en 2002, kaj lasis sia deputitan seĝon al la socialista urbestro de La Chapelle-des-Fougeretz, Philippe Tourtelier.
- Ministro pri sano de la unua ministraro de Pierre Mauroy (de la 23-a de majo 1981 ĝis la 22-a de junio 1981)
- Ministro ĉe la ministro pri industrio, komisiita pri energio de la dua ministraro de Pierre Mauroy (de la 23-a de junio 1981 ĝis la 22-a de marto 1983)
- Subministro ĉe la ministro pri socialaj aferoj kaj nacia solidareco, komisiita pri sano de la tria ministraro de Pierre Mauroy (de la 24-a de marto 1983 ĝis la 17-a de julio 1984)
- Subministro ĉe la ministro pri socialaj aferoj kaj nacia solidareco, komisiita pri sano de la ministraro de Laurent Fabius (de la 23-a de julio 1984 ĝis la 19-a de marto 1986)
- Senatano de Ille-et-Vilaine, elektita la 21-an de septembro 2008[4]
- Regiona konsiliano de Bretonio
Notoj kaj referencoj
[redakti | redakti fonton]- ↑ Fonto : Urbodomo de Rennes
- ↑ Fonto: Agence Bretagne Presse
- ↑ TTT-ejo de www.rajf.org
- ↑ Fonto: Ouest-France, 21-a de septembro 2008
Vidu ankaŭ
[redakti | redakti fonton]Bibliografio
[redakti | redakti fonton]- La permanence de Jaurès, en "L'Encyclopédie du socialisme", 2006.
- Dans le sillage d'Edmond Hervé, de La Bouillie à Rennes, Philippe Delacotte (teksto), Bernard Cornu (fotoj), eldoninto "Editions Astoure", 2008, 84 paĝoj.
Dokumenta filmo pri Edmond Hervé
[redakti | redakti fonton]- « Edmond Hervé 30 ans pour une ville » dokumenta filmo longa je 52 minutoj dissendita en 2008 sur "France 3" kaj TVR (TV Rennes), kiu priskribas la agadon de Edmond Hervé.
Tiu filmo farita de Thibaut Boulais estis filmita en la dua jaro de lia urbestra mandato. (Kunprodukto de "Mille et Une Film", "France 3 Ouest" kaj TVR)
Vidu ankaŭ
[redakti | redakti fonton]- Listo de la deputitoj de Ille-et-Vilaine
- Listo de la urbestroj de Rennes
- Listo de la senatanoj de Ille-et-Vilaine
Eksteraj ligiloj
[redakti | redakti fonton]
| ||||||||||||
| ||||||||||||||||||||||||||||||||||||||||||||||||||||||||||
- Vivantaj homoj
- Francaj ministroj pri sano
- Instruistoj en universitato de Rennes 1
- Senatanoj de Ille-et-Vilaine
- Urbestroj de Rennes
- Deputitoj de la 7-a parlamenta periodo de la kvina Franca Respubliko
- Deputitoj de la 8-a parlamenta periodo de la kvina Franca Respubliko
- Deputitoj de la 9-a parlamenta periodo de la kvina Franca Respubliko
- Deputitoj de la 11-a parlamenta periodo de la kvina Franca Respubliko
- Homoj de PS (Francio)
- Naskiĝintoj en 1942
- Naskiĝintoj en Côtes-du-Nord