Eysins

El Vikipedio, la libera enciklopedio
Salti al navigilo Salti al serĉilo
Eysins
Blazono de Eysins
Blazono de Eysins
Kantono Vaŭdo
Distrikto Nyon
Koordinatoj  46°22′50″N 6°12′21″O  /  46.38056°N, 6.20583°O / 46.38056; 6.20583 (Eysins) (mapo)Koordinatoj: 46°22′50″N 6°12′21″O  /  46.38056°N, 6.20583°O / 46.38056; 6.20583 (Eysins) (mapo)
Nombro de enloĝantoj 1316
Areo 2,38 km²
Alteco 438 m super marnivelo
Poŝtkodo 1262
Komunumkodo 5716
Mapo de Eysins
Situa mapo de Eysins
Information icon.svg
vdr

Eysins estas komunumo en la distrikto Nyon en Kantono Vaŭdo, Svislando. Ĝi havis 1316 loĝantojn je la 31-a de decembro 2012.

Geografio[redakti | redakti fonton]

La komunumo Eysins situas sur la ebenaĵo norde de la rivero Boiron de Nyon inter la Lago de Ĝenevo kaj la suda flanko de la Ĵurasa Montaro. La komunumo konsistas el la vilaĝo Eysins kaj la vilaĝeto Petit Eysins.[1]

La teritorio de la komunumo etendiĝas sur areo de 2,38 km², de kiuj 7,1% estas kovritaj de arbaro, 71,0% servas por agrikulturo kaj 20,2% por setlado. [2]

Najbaraj komunumoj[redakti | redakti fonton]

La komunumo Eysins limas en nordo al Signy-Avenex, en oriento al Nyon, en sudo al Crans-près-Céligny, en sudokcidento al Arnex-sur-Nyon, kaj en okcidento al Borex.

Trafiko[redakti | redakti fonton]

Tra Eysins pasas la kantona ĉefvojo n-ro 122 de Nyon al Divonne-les-Bains en Francio, kaj la svisa aŭtovojo A1, kies alveturejo Nyon situas proksimume 1 kilometron nordoriente de la komunumo. Pere de la poŝtaŭtolinio de Nyon la Coppet la komunumo estas konektita al la publika tranpsortreto. De 1905 ĝis 1962 Eysins disponis pri stacidomo ĉe la fervojlinio de Nyon al Divonne-les-Bains. Nuntempe ekzistas ankoraŭ la linio de Eysins al Nyon, kiu tamen estas uzata nur por malregula vartransporto.

Historio[redakti | redakti fonton]

La unua dokumenta mencio de Eysins datiĝas el la jaro 1001 kiel Osinco. Sur la komunumo estis trovitaj ŝpuroj de romia setlejo kaj akvokondukilo. En la jaro 1001 reĝo Sigismundo la 3-a de Burgonjo kunvenis kun sia stabo en Eysins. Dum mezepoko ĝis la reformacio la vilaĝo Eysins estis submetita al la aŭgustina priorejo Nyon. Sub la berna regado de 1536 ĝis la Helveta Revolucio de 1798 Eysins apartenis al la Voktejo Nyon kaj ek de la Helveta Revolucio al la samnoma distrikto.<[3]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Germain Hausmann: Eysins en Historia Leksikono de Svislando (2010-09-23)

Eksteraj ligiloj[redakti | redakti fonton]