Floréal Martorell
| Floréal Martorell | |
|---|---|
| |
| Persona informo | |
| Naskiĝo | 10-an de oktobro 1956 (67-jaraĝa) en Castelginest |
| Lingvoj | Esperanto • franca • kataluna • hispana • portugala |
| Ŝtataneco | Francio |
| Familio | |
| Edz(in)o | Tania Leite Souza • Sylvie Baudin • Françoise Brosset-Eriksen |
| Infanoj | Karlin Martorell-Baudin • Nevik Martorell-Baudin |
| Okupo | |
| Okupo | esperantisto • muzikisto |
Floréal MARTORELL (naskiĝis en 1956 en Castelginest) estas franca esperantisto, muzikisto kaj grava motoro de la Esperanto-muzika komunumo. Li estas la filo de kataluna anarkiisto, kiu ekziliĝis al Tuluzo post malvenko en la Hispana Enlanda Milito (1939). Li fondis EUROKKA-n, kreis la Esperanto-muzikan eldonejon Vinilkosmo kaj la gazeton Rok-gazet', kaj partoprenas en la organizado de multaj Esperanto-muzikaj prezentaĵoj. Ekzemple, li estis la ĉefa agento de KAFE.
Floreal, aŭ Flo, kiel li ŝatas esti nomata, fondis muzikekzercejojn en Donneville (proksime de Tuluzo) en 1980. Inter 1981 kaj 1987 li fondis kaj mastrumis la Collectif d'Activités Musicales (CAM), kolektivo de muzika agado. Kadre de CAM, li organizis koncertojn kaj spektaklojn.
En 1987 Flo esperantistiĝis, kaj tiam pripensis la rilaton inter Esperanto kaj rokmuziko. Li decidis starigi ion pri tio. Li serĉis muzikistojn kaj junajn Esperantistojn, kun kiuj li povus starigi Esperanto-rokasocion. En oktobro 1987 li demisiis de CAM, kaj en januaro 1988 fondis EUROKKA-n. En 1990 li kreis kaj la diskeldonejon Vinilkosmo kaj la gazeton Rok-gazet'.
Inter 1994 kaj 1995i li provis organizi PREFI, Pop-Roka Esperanto Festivalo Internacia. Pro manko de subvencioj, la projekto estis forlasita.
Flo partoprenis en la organizado de multaj festivaloj kaj spektakloj: dum pluraj jaroj de la festivalo Musicalèze, de la spektakloj de la SAT-amikaraj kongresoj en Bordozo, Amboise, Limoĝo kaj Antonio de du KEF-oj en Skandinavio ktp. Flo respondecis pri la organizado de la kultura programo en la Universala Kongreso de Montpellier, en julio 1998 (kun 3000 partoprenantoj). Sekve de la sukceso de tiu programo la Unuiĝo Franca por Esperanto petis de li lanĉi la projekton KAFE. Flo elektiĝis al la posteno Prezidento de Esperanto Midi-Pyrénées en junio 1999 kun la tasko plenumi KAFE-n.
En 2012 li estis distingita per la FAME-premio de la urbo Aalen.
Eksteraj ligiloj[redakti | redakti fonton]
- Memoroj de liberecano, retejo pri la biografio de Alfons Martorell, (esperante kaj hispane)
- Musica en Esperanto Arkivigite je 2009-04-16 per la retarkivo Wayback Machine Diskoj en Esperanto, hispane
- Vinilkosmo
- Raporto pri intervjuo kun Glebo Malica, 2003
- Fotogalerio pri FAME-premiado
- La Epizodo 18 de EsKu - Esperanto-Kulturo - enhavas intervjuon de Floreal Martorell. Li klarigas pri siaj diversaj organizoj: Eurokka, Vinilkosmo kaj Abonklubo. Li ankaŭ parolas pri la lastaj tendencoj en Esperanto-Muziko kaj la defioj por la estonto de muziko en Esperanto.
