George Bidwell

El Vikipedio, la libera enciklopedio
Salti al navigilo Salti al serĉilo

George Chandos Bidwell (naskiĝis la 3-an de majo 1905 en Reading, mortis la 20-an de junio 1989 en Varsovio) – brita verkisto, specialiĝanta en beletrigaj biografioj kaj historiaj romanoj, loĝinta en Pollando.

Biografio[redakti | redakti fonton]

Filo de Arthur kaj Sybilia Onley. Lia plena antaŭnomo kaj nomo en momento de la naskiĝo estis: Schandos George Bidwell. Post frekvento al lernejoj, en 1922 komencis labori en la gazeto „Reading Standard”. Du jarojn poste forlasis la laboron translokiĝante al Barclay Bank, ankaŭ en Reading, kie laboris ĝis 1939.

Decembre 1939 volontule soldatiĝis. Post du jaroj jam estis kapitano. Post kampanjo en Afriko en 1943 eklaboris en British Council, angla kultura institucio. Kiel ties direktoro post la dua mondmilito alvenis al Pollando. Tio okazis en 1946.

En 1948 edziĝis al ĵurnalistino kaj tradukistino Anna Krystyna Wirszyłło akceptante polan civitanecon. Ili havis du infanojn. Ilia filino Anna Sybilla kiel sciencistino okupiĝas pri historio de Eŭropa Unio kaj Britio.

En la jaroj 1948-1956 gesinjoroj Bidwell loĝis en Varsovio, poste laŭvice en Radiówek (1956-1960), Przesieka ĉe la piedoj de Gigantmontaro (1961-1968), Nasławice apud Sobótka (1968-1972) kaj denove en Varsovio kaj Piastów (1972-1989).

Multe da informoj pri lia vivo oni povas trovi en lia aŭtobiografio Ani chwili nudy (Sen tedo) (Eldonejo Śląsk, 1976).

Verkado[redakti | redakti fonton]

Bidwell specialiĝis aparte pri historio de Anglio kaj Britio. Liaj anglalingvaj verkoj estis tradukataj de la edzino, kiu mem tradukis Henry Fielding. En Pollando li estis tre populara.

  • Wybrałem Polskę (Mi elektis Pollandon), Książka i Wiedza, Warszawa 1950.
  • Od Aldershot do El Alamein (De Aldershot ĝis El Alamein), Czytelnik, Warszawa 1954.
  • Szekspir w cieniu, Szkice literackie (Ŝekspiro en la ombro. Literaturaj skizoj), Wydawnictwo Literackie, 1954.
  • Sylwetki pisarzy angielskich w XIX wieku, Szkice literackie (Siluetoj de la anglaj verkistoj de la 19-a jarcento. Literaturaj skizoj), Czytelnik, Warszawa, 1955.
  • Świt nad Afryką (Tagiĝo super Afriko), Wiedza Powszechna, Warszawa, 1955.
  • Szlakiem karawan (Laŭ itinero de karavanoj), Wiedza Powszechna, Warszawa 1956, 1957.
  • Pół wieku literatury angielskiej (Duonjarcento de la angla literaturo), Wydawnictwo Literackie Kraków, 1957.
  • Livingstone, Wydawnictwo Sport i Turystyka, Warszawa, 1958.
  • U kolebki angielskiego realizmu (Ĉe lulilo de angla realismo), Wiedza Powszechna, Warszawa 1960.
  • Na podbój skarbów Bengalu (Konkerado de la trezoroj de Bengalio), Nasza Księgarnia, Warszawa 1960.
  • Z kapitanem Cookiem przez Pacyfik (Kun kapitano Cook tra la Pacifiko), Wydawnictwo Morskie, Gdańsk, 1961.
  • Iris odkrywa Polskę (Iris malkovras Pollandon), Wiedza Powszechna, Warszawa 1962.
  • Walter Scott, Wiedza Powszechna, Warszawa 1963.
  • W służbie Wielkiego Chana, Marko Polo (En servo de Granda Ĥano; Marko Polo), Wiedza Powszechna, Warszawa 1966.
  • Korsarz Admirałem (Korsaro admiralo; Francis Drake)), Wydawnictwo Morskie Gdańsk, 1967.
  • Irlandia (Irlando), Wiedza Powszechna, Warszawa 1970.
  • Bunt długich spódnic (Ribelo de longaj jupoj; Emmeline Pankhurst)), 1972.
  • Cudzą krwią (Per fremda sango; Charles Edward Stuart)), 1973, 1978.
  • Zdobywca Indii (Konkerinto de Barato; Robert Clive) , 1976.
  • Rycerz króla Artura (Kavaliro de la reĝo Arturo; Henriko la 5-a), 1977.
  • Hebanowe ładunki. William Wilberforce i brytyjski handel niewolnikami (Ebonaj enlasaĵoj. William Wilberforce kaj la brita sklav-komerco), Zakład Narodowy im. Ossolińskich Wydawnictwo, Wrocław, Warszawa, Kraków, Gdańsk 1978.
  • Król Diamentów (Reĝo de diamantoj; Cecil Rhodes), 1979.
  • Zdobywca Anglii (Konkerinto de Anglio; Vilhelmo la 1-a), 1980.
  • Pirat królowej (Pirato de la reĝino; Francis Drake), 1982.
  • Lwie Serce (Leona Koro; Rikardo la 1-a), 1983.
  • Admirał i kochanek (Admiralo kaj amanto; Horatio Nelson), 1989.

Eksteraj ligiloj[redakti | redakti fonton]