Goro Christoph Kimura

El Vikipedio, la libera enciklopedio
Salti al navigilo Salti al serĉilo
KIMURA Goro en 2013

Goro Christoph KIMURA, naskiĝis 29.03.1974 en Nagoya, estas japana esperantisto kaj doktoro pri Lingviko. Lia patro estas japano, lia patrino germanino. Unue li diplomiĝis pri germanaj studoj ĉe Tokia Universitato pri Fremdaj Studoj. Poste magistriĝis 1999 ĉe Hitotsubashi-Universitato en Tokio. Kimura doktoriĝis tie 2002 kun tezo pri homaj intervenoj por vivteni kaj revivigi malplimultajn lingvojn.

Kariero[redakti | redakti fonton]

2002-2004 docento ĉe Keio-universitato. 2004 docento ĉe Sophia-universitato.

2007 vicprofesoro,

2012 profesoro pri germana kaj eŭropaj studoj ĉe la Fakultato por Fremdaj Lingvoj kaj Studoj.

2012-2013 Gastesploristo ĉe la Katedro pri Lingvo-uzo kaj Lingvo-komparo ĉe la Eŭropa Universitato Viadrina en Frankfurto ĉe Odro Germanio. Ĉe Sophia-universitato li instruas pri germana lingvo kaj socio, eŭropa lingvopolitiko kaj internaciaj rilatoj. Krome li instruas germanan lingvon kaj socilingvistikon ĉe Keio-universitato.

Kimura kaj Esperanto[redakti | redakti fonton]

Pri Esperanto li aktivis por organizi simpoziojn kaj publikigis artikolojn kaj redaktis lernolibron pri interlingvistiko.

Li partoprenis en kolektiva verko La arto labori kune per artikolo La kornvala kaj Esperanto: entreprenoj similaj[1]. Redaktoris En la mondon venis nova lingvo, festlibro por Ulrich Lins.

Verkaro[redakti | redakti fonton]

Li estas kuneldonanto de la libroserio Studies in World Language Problems (Amsterdam: John Benjamins).[2]

Li esploris pri lingva sociologio kaj membras en la redakta komitato de fakaj revuoj :

  • Kotoba to Syakai [Lingvo kaj Socio] (Tokio: Sangensha),
  • Syakaigengogaku [Socilingvistiko] (Gifu: Syakaigengogaku kankokai),
  • Language Problems & Language Planning [Lingvoproblemoj kaj Lingvoplanado] (Amsterdam: eld. John Benjamins)

Referencoj[redakti | redakti fonton]

  1. La arto labori kune – Festlibro por Humphrey Tonkin, Roterdamo, 2010, UEA (ISBN 978-92-9017-113-3). paĝoj 171-177.
  2. Bibliografio de prof. KIMURA Goro Christoph, informilo por interlingvistoj n-ro 84/85 (1-2/2013), p.23 (biografio). http://esperantic.org/dosieroj/file/IpI%2084-85%20%201-2%202013.pdf

Eksteraj ligiloj[redakti | redakti fonton]

Paĝo ĉe Sophia-universitato