Grizdorsa lanio

Kiel legi la taksonomion Grizdorsa lanio
Grizdorsa lanio
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Laniedoj Laniidae Genro: Lanius Specio: 'L. tephronotus'
Dunomo
Lanius tephronotus (Vigors, 1831)
Konserva statuso
Konserva statuso: Malplej zorgiga
Aliaj Vikimediaj projektoj

La Grizdorsa lanio (Lanius tephronotus) estas malgranda paserina birdo kiu apartenas al plej tipa genro Lanius de la familio de Laniedoj. Ĝi troviĝas en Bangladeŝo, Butano, Kamboĝo, Ĉinio, Barato, Laoso, Birmo, Nepalo, Pakistano, Rusio, Tajlando kaj Vjetnamio.

Tiu lanio havas tutgrizajn kronon, nukon, ŝuktrojn kaj dorson, kontraste kun nigraj flugilplumoj kaj vosto. Kiel ĉiuj lanioj, havas nigran maskon. La subaj partoj estas blankecaj, sed kun ruĝeca nuanco en flankoj kaj ventro. La beko estas mallonga, larĝa ĉebaze kaj hokoforma en pinto de supra makzelo, kiel ĉe aliaj lanioj.

Ĝi estas tre proksima al la Longvosta lanio, L. schach, kaj iam traktata kiel samspecifa, sed diferenciĝas en morfologio; krome la du specioj estas tre simpatriaj kaj, kvankam la raso lahulensis foje konsiderata kiel reprezentanto de hibrida populacio inter ili, ne estas definitiva pruvo pri interreproduktado.

Oni agnoskas du subspeciojn: lahulensis (Koelz, 1950) – reproduktiĝas en norda Kaŝmiro orienten al centra Barato (Utaranĉal Pradeŝ), kaj probable al sudokcidenta Ĉinio, kaj tephronotus (Vigors, 1831) - reproduktiĝas en Nepalo orienten al nordorienta Barato (Arunaĉal Pradeŝ) kaj Centra Ĉinio; nereproduktuloj ankaŭ suden al Bangladeŝo, Birmo, Tajlando kaj Hindoĉinio.

Referencoj

• BirdLife International 2004. Lanius tephronotus. 2006 IUCN Ruĝa Listo de Minacataj Specioj. Konsultita la 26an de julio 2007.