Hassan Nasrallah
| Hassan Nasrallah | |||||
|---|---|---|---|---|---|
.jpg)
| |||||
| Persona informo | |||||
| حسن نصر الله | |||||
| Naskiĝo | 31-an de aŭgusto 1960 en Burĵ Hammud,  Libano
| ||||
| Morto | 27-an de septembro 2024 (64-jaraĝa) en Haret Hreik, Libano
| ||||
| Mortis pro | Hommortigo  vd
| ||||
| Mortis per | Aera operaco kaj asfiksio vd
| ||||
| Mortigita de | Aerarmeo de Israelo vd | ||||
| Religio | islamo vd | ||||
| Lingvoj | araba • persa • angla vd | ||||
| Ŝtataneco | Libano vd
| ||||
| Alma mater | Hawza of Najaf (en)  vd
| ||||
| Partio | Hizbulaho (1982–2024) Amal Movement (en) (1978–1982) vd
| ||||
Subskribo 
| |||||
| Familio | |||||
| Edz(in)o | Fatimah Yasin (en) (1978–2024) vd
| ||||
| Infanoj | Muhammad Hadi Nasrallah (en) , Zainab Nasrallah (en) vd
| ||||
| Parencoj | Hashim Safi Al Din (filo de onklino de patrino) Wafiq Safa (en) (bofilo) vd
| ||||
| Profesio | |||||
| Okupo | ulemo militestro politikisto vd
| ||||
| Laborkampo | Political aspects of Islam (en) kaj militarismo vd
| ||||
| Aktiva dum | 1992–27-a de septembro 2024 vd | ||||
| |||||
| vd | Fonto: Vikidatumoj | ||||
Hassan NASRALLAH (arabe حسن نصر الله; la 31-an de aŭgusto 1960, en Bejruto - la 27an de septembro 2024, samloke) estis ŝijaisma kleriko kaj libana politikisto, ĉefkomandanto de la libana islamisma organizaĵo Hizbulaho [1].
Ekde 1992, Nasrallah estis ĝenerala sekretario de la islama ŝijaisma libana partio kaj milico Hizbulaho, kiu estas gvidata kiel ŝtato ene de ŝtato kun apogo de la revolucia gvidanto de la Islama Respubliko de Irano, Ali Ĥamenei. Nasrallah estis ŝijaisma islamano. En sia kapablo li ankaŭ estis la spirita gvidanto de la libanaj ŝijaistoj.
Kariero
[redakti | redakti fonton]Kiam Saddam Hussein forpelis lin el Irako en 1978, li revenis al suda Libano por batali kontraŭ la israelanoj. Li unue estis komandanto en la ŝijaisma Amal-milico, poste aliĝis al Hizbulaho en 1982. Kiam Hizbulaha gvidanto Abbas Moussawi estis mortigita per israela aviadila atako en suda Libano en 1992, Nasrallah transprenis la postenon de gvidanto[2].
Nasrallah portis nigran turbanon kaj estis titolita sayyid, kiu devus provi montri ke li estas posteulo de la Profeto Mohamedo kaj lia familio [3]. Lia familia nomo signifas "Venko de Alaho" kaj li estis islama kleriko kun la titolo de Hojatolislam [4].
Unu el liaj politikaj "geniaj batoj" estas ke li sukcesis aperi kiel libana naciisto. Li formis rezistajn grupojn kiuj ankaŭ havas kristanojn kaj druzojn en siaj rangoj, kaj li dum pluraj okazoj deplojis la socian aparaton de Hizbulaho por helpi kristanojn kaj aliajn religiajn grupojn en la lando.
Li havis proksiman rilaton kun la ŝijaisma islama pastraro en Irano. Nasrallah priskribis la militon de Hizbulaho kontraŭ Israelo en 2006 kiel strategian kaj historian venkon por la organizaĵo [5].
Lia plej aĝa filo estis mortigita en batalo kun la israelanoj en 1997. Baldaŭ post la morto de sia filo, li faris paroladon en Bejruto, kie li deklaris ke li nun povas "rigardi en la okulojn de aliaj gepatroj kiuj perdis siajn infanojn" [6][7].
En februaro 2024, Hassan Nasrallah postulis, ke Hizbulaho-membroj restu for de poŝtelefonoj kaj ŝanĝu al televokiloj (pagiloj). Li pravigis tion dirante ke la israelanoj eble estis enrompiĝintaj en la telefonio de la organizaĵo. Hizbulaho tiam akiris pagilojn de la nova Golf Apollo AR-924-tipo, modelon kiu ĵus estis importita en Libanon. Kiam tiuj tiam eksplodis ĉirkaŭ la sama tempo la 17an de septembro de la sama jaro, kelkaj estis mortigitaj kaj pli ol 2 500 vunditaj, plejparte Hizbulahanoj, sed ankaŭ kelkaj aliaj.
En la finaj tagoj de septembro 2024 Israelo entreprenis amasan bombardadon de la sudo kaj oriento de Libano, ĝis la ĉefurbo Bejruto, kie li celis laŭdire areojn kie Hizbulaho funkcias. Tiukadre la 28an de septembro alta stabano de la israela armeo konfirmis, ke ili estis mortiginta Hasanon Nasralahon.[8]
Vidu ankaŭ
[redakti | redakti fonton]- Iran–Libanaj rilatoj
- Baŝar al-Asad
- Ali Ĥamenei
Referencoj
[redakti | redakti fonton]- ↑ . Profile: Hassan Nasrallah (20a de Julio 2006). Arkivita el la originalo je 27a de Septembro 2006.
- ↑ Ehteshami, Anoushiravan and Raymond A. Hinnebusch, Syria and Iran - Middle Powers in a Penetrated Regional System, Routledge (1997), p. 140
- ↑ “Prophet, Saviour and Revolutionary: Manufacturing Hassan Nasrallah's Charisma”, The Encyclopedia of the Arab-Israeli Conflict: A Political, Social, and Military History, p. 7.
- ↑ "Profiles of key players – Hassan Nasrallah", 2006.
- ↑ . Hezbollah's Popularity Exposes al-Qaeda's Failure to Win the Hearts (30a de Julio 2006). Arkivita el la originalo je 26a de Oktobro 2023. Alirita 26a de Oktobro 2023.
- ↑ Middle East International No 559, 26 September 1997; Publishers Lord Mayhew, Dennis Walters MP; Michael Jansen pp.10-11; No 560, 10a de Oktobro 1997; Barbara Nimn-Aziz p.24
- ↑ Nahmias, Rohee, "Hizbullah: No more clashes with Lebanese army", 18a de Aŭgusto 2006.
- ↑ Israel dice que ha asesinado al líder de Hizbulá, Hasán Nasrala, en los bombardeos de Beirut, Público, 28an de septembro 2024, alirita la 28an de septembro 2024.
Eksteraj ligiloj
[redakti | redakti fonton]- "La Plurlingva Retejo de Sayyed Hassan Nasrallah"Arkivigite je 2017-06-10 per la retarkivo Wayback Machine Ĝisdatigita fonton de enhavoj rilatitaj al li en 31 lingvoj. Ties arkivo estis kompletigita de la ligilo sube:
- "La Plurlingva Retpaĝo de Sayyed Hassan Nasrallah"Arkivigite je 2017-10-19 per la retarkivo Wayback Machine
- "Hizballah: Enkonduko", Lara Deeb, la 31an julio 2006
- "En la Menso de Hezbollah", Vaŝingtona Poŝto, la 16an julio 2006.
- Nasrallah: Israela intertempa lando YNET
- "Aŭtobiografio de Seyyed Hasan Nasrallah", Ya Lesarat Ol-Hoseyn (Tehran), Federacio de usonaj sciencistoj Spionaro Rimeda Programo, la 10an de aŭgusto 2006