Internacia Kooperativa Alianco
| Internacia Kooperativa Alianco | ||
|---|---|---|
| ||
| co-operative federation | ||
| Komenco | 1895 vd | |
| Lando(j) | Belgio • Unuiĝinta Reĝlando (Britio) • Svislando vd | |
| Sidejo | Bruselo | |
| Lingvoj |
angla lingvo | |
| Filioj | CICOPA • Cooperatives Europe vd | |
| Retejo | Oficiala retejo | |
La Internacia Kooperativa Alianco (IKA, angle International Cooperative Alliance, akronime ICA, france Alliance Coopérative Internationale, germane Internationaler Genossenschaftsbund IGB, hispane Alianza Cooperativa Internacional ACI, ruse Международный кооперативный альянс, MKA) estas internacia neregistara organizaĵo kuniganta landajn, regionajn sindikatojn kaj federaciojn de kooperativoj, ĉefe konsumantaj, kreditaj kaj agrikulturaj, reprezentante la kooperativan movadon tra la mondo.
Ĝi estis fondita en 1895. Nuntempe, la IKA havas 222 membroorganizaĵojn el 88 landoj, aktivaj en ĉiuj sektoroj de la ekonomio. Ĉi tiuj kooperativoj reprezentas la interesojn de pli ol 800 milionoj da individuoj tutmonde [1].
Priskribo[redakti | redakti fonton]
Surbaze de datumoj kolektitaj de la organizaĵo en 2017 en 154 landoj, almenaŭ 279,4 milionoj da homoj, kiuj konsistigas ĉirkaŭ 9,46% de la monda laborista loĝantaro, trovas sian ĉefan vivtenon en kooperativoj. El tiuj, proksimume 11,1 milionoj da laboristoj estas membroj de kooperativoj, 16 milionoj estas dungitoj en kooperativoj kaj 252,2 milionoj estas laboristoj "sub la aŭspicioj de kooperativoj" (plejparte farmistoj estas helpitaj de kooperativoj por organizi kaj vendi sian produkton en privatposedataj parceloj).
La alianco establas centron por komuna scio kaj kompetenteco en la kampo de kunlaboro, same kiel bazojn por kunlaboro en la kampo. La membroj de la alianco estas naciaj kaj internaciaj kunlaboraj organizaĵoj de ĉiuj branĉoj de la ekonomio, inkluzive de agrikulturo, bankado, konsumismo, fiŝkaptado, sano, loĝado, asekuro kaj laboro. En 2006, la organizaĵo publikigis la ICA Global 300 - la indekso de la plej grandaj kooperativoj kaj komunaj iniciatoj en la mondo, montrante la skalon de la internacia koopera movado.
Ĉiujare en julio, dimanĉe en la unua semajno de la monato, la Alianco festas la "Kooperativan Tagon".
Historio[redakti | redakti fonton]
La organizaĵo, kiu en la momento de sia fondiĝo estis ĉefe influita de la ekzemplo de la pioniroj de Rochdale, celis antaŭenigi kaj protekti kunlaborajn valorojn kaj principojn kaj ĝis nun formulis tiujn en oficialaj dokumentoj trifoje (1937, 1966 kaj 1995).
Post Unua Mondmilito, la gvidado de la Alianco adheris al la principo de "politika neŭtraleco", argumentante ke kooperativoj memstare povis venki socian maljustecon. Tamen, tiu koncepto poste estis reviziita kaj la IKA komencis aktive kunlabori kun sindikatoj, politikaj partioj kaj subŝtataj aŭtoritatoj.
Tradicie dominate de la eŭropanoj, komence la britoj kaj francoj. Poste la skandinavaj konsumkooperativoj, la IKA pli koncentriĝis pri Azio en la lastaj jaroj. Kvankam la principoj formulitaj de la IKA ne estis plene akordaj kun tiuj de la sovetiaj kooperativoj, la periodo post 1947 ( Malvarma Milito ) ne alportis disigon en la internacia tegmenta organizaĵo. La historio de la IKA estas proksime interplektita kun tiu de la internacia laborista movado, ĉar la kerno de ĝiaj aktivuloj estis socialistoj.
Valoroj kaj principoj[redakti | redakti fonton]
Kooperativoj tra la mondo vivas la valorojn de memhelpo, persona respondeco, demokratio, egaleco, justeco kaj solidareco.
Por praktiki ĉi tiujn valorojn, ili sekvas sep principojn:
- volontula kaj malferma membreco
- demokratia membrokontrolo
- ekonomia partopreno de membroj
- aŭtonomeco kaj sendependeco
- edukado, trejnado kaj informado
- kunlaboro kun aliaj kooperativoj
- provizo por la komunumo
Ili estis oficiale formulitaj kaj adoptitaj fare de la Internacia Koopera Alianco en 1995 [2][3].
Movada flago[redakti | redakti fonton]
En 1925, la alianco adoptis la 7-koloran ĉielarkan flagon, reprezentante unuecon, diversecon, la potencon de lumo, klerismo kaj progreso. En 2001, nova flago estis adoptita ĉe la Alianco-Asembleo en Seulo, Koreio, por eviti konfuzon kun aliaj ĉielarkaj flagoj kiel ekzemple la flago de la samseksema komunumo (GLAT). La nova flago havis 6-koloran kvaronĉielarkon kun kolomboj flugantaj de ĝi, kaj sub ĝi la inicialoj ICA. En 2014, la flago estis anstataŭigita kun purpura aŭ blanka emblemo sur purpura fono, konsistante el la leteroj CO-OP kun la du O ligitaj kune en la bildo de ĉeno.
Referencoj[redakti | redakti fonton]
- ↑ The International Co-operative Alliance. Alirita 13 May 2022.
- ↑ Eric Viardot, The role of cooperatives in overcoming the barriers to adoption of renewable energy. Energy Policy 63, (2013), 756–764, S. 757 COI:10.1016/j.enpol.2013.08.034.
- ↑ International Co-operative Alliance: Statement on the Co-operative Identity