Rudolf Diesel

Rudolf Diesel
Persona informo
Naskonomo	Rudolf Christian Karl Diesel
Naskiĝo	18-an de marto 1858 (1858-03-18) en Parizo
Morto	30-an de septembro 1913 (1913-09-30) (55-jaraĝa) en Manika Markolo
Mortokialo	drono
Tombo	maro
Lingvoj	germana • franca • Esperanto • angla
Loĝloko	Londono
Ŝtataneco	Reĝlando Bavario
Alma mater	Teknologia Universitato Munkeno • Munkena universitato
Subskribo
Memorigilo
Familio
Edz(in)o	Louise Martha Diesel
Infanoj	Eugen Diesel • Hedwig von Schmidt
Parencoj	Paul Barnickel
Okupo
Okupo	inventisto • entreprenisto • inĝeniero • esperantisto

Rudolf Diesel en 1883

Ruldolf Christian Karl DIESEL Diesel [dizel] (naskiĝis la 18-an de marto 1858 , Parizo, Francilio, malaperis la 29-an de septembro 1913) estis germana inĝeniero, kiu inventis intern-brulan motoron. Li ankaŭ estis lingvosciencisto kaj virtuozo de artoj.

Lia plej granda merito estas la de li inventita kaj laŭ li nomita dizelo, motoro kun interna brulado, en kiu la karburaĵo, injektita en forte densigitan aeron, spontane ekbrulas. Ĝi ankoraŭ nuntempe estas uzata ekzemple por ŝipoj, aŭtoj, lokomotivoj kaj agrikulturaj maŝinoj. En la jaro 1897 li prezentis la unuan funkciantan modelon. Ankaŭ la peza benzino uzata por tiaj motoroj fojfoje erare estas nomata dizelo.

La venkon de sia invento Rudolf Diesel tamen nur parte travivis. Oftaj kvereloj pri patentoj, akraj atakoj far aliaj inĝenieroj kaj financaj malfacilaĵoj pro misinvestoj fine ruinigis lian sanon. En 1913 li mortis dum ŝipvojaĝo de Belgio al Britio. Oni supozas, ke li mem finis sian vivon.

Diesel kaj Esperanto

„ De multaj jaroj mi mem interesiĝas pri Esperanto. Tiu ĉi internacia helplingvo plenumas bazajn kondiĉojn, por ke akceptu ĝin plej multaj popoloj kaj ke ĝi plue ekzistadu en natura ligo kun la ĉefaj gvidantaj lingvoj en la genia simpleco kaj logiko de sia strukturo. Ĉi tiun lingvon mi pritraktas el vidpunkto de inĝeniero, kies klopodo estas direktita al ŝparo de energio... La celo de Esperanto estas ŝpari tempon, energion, laboron, monon, kaj plirapidigi, plisimpligi la internaciajn rilatojn. De tiu vidpunkto estas malfacile kompreni kontraŭstarojn, kiaj ankoraŭ aperas kontraŭ enkonduko de la afero tiel utila por la homaro. Mi opinias enkondukon de Esperanto kiel necesegan bezonon por la paco kaj kulturo. ” — Das Esperanto ein Kulturfaktor, 1913

Vidu ankaŭ

• Historio de scienco kaj teknologio

Pliaj Informoj

Trovu « Rudolf Diesel » inter la Vizaĝoj de homoj rilataj al la ideo «Internacia Lingvo»

• Eta Vivrakonto de Rudolf Diesel (esperante).
• A Biography of Rudolf Diesel and About.com (angle).
• Ein Biographie der Rudolf Diesel (germane).