Herne (Germanio)

Ĉi tiu artikolo temas pri la grandurbo Herne en la germana federacia lando Nordrejn-Vestfalio. Por aliaj signifoj vidu la artikolon Herne.

blazono	mapo

Herne estas eksterdistrikta urbo en la norda parto de la industria Ruhr-regiono. Ĝi situas en la federacia lando Nordrejn-Vestfalio de Germanio, kaj apartenas al la distriktaro Arnsbergo. Fine de julio 2006 la urbo havis 165.355 enloĝantojn.

Dum la 19-a kaj la unua duono de la 20-a jarcento Herne estis grava karbomineja urbo. Pluraj el la karbominejaj turoj ankoraŭ hodiaŭ memorigas pri tiu ekonomia bazo de la urbo. Multnombraj asocioj de ministoj vivtenas la tradicion de la minlaboristoj, kiuj ĉiam rigardis sian "subteran" laboron tre malsama ol ĉiuj aliaj profesioj.

la urbodomo dumnokte

Administrado

• Baukau

Ĝemelurboj

• Hénin-Beaumont en Francio
• Wakefield, Anglio en Unuiĝinta Reĝlando (Britio)
• Ometepe en Nikaragvo
• Belgorod en Rusio
• Eisleben en Germanio
• Konin en Pollando

Kunlaboraj urboj kaj distriktoj estas:

• Jawor, Malsupra Silezio en Pollando
• Strzelin, Malsupra Silezio en Pollando
• Szczytno, Varmio-Mazurio en Pollando

Esperanto en la regiono

Ĉar en Herne ne ekzistas Esperanto-klubo, ĝiaj esperantoparolantaj civitanoj povas veturi al Essen, kie ekzistas ekde la 9-a de januaro 2004 la Esperanto-Grupo Essen (EGE) kun nun pli ol 20 membroj. Ĝi invitas al renkontiĝoj ĉiun duan ĵaŭdon monate en la klerigejo Grend, Westfalenstr. 311 en 45276 Essen-Steele, kaj ĉiun kvaran ĵaŭdon monate esperantoparolantoj kunvenas en la Kulturzentrum Bahnhof Langendreer, Wallbaumweg 108 en 44894 Bochum, jen en la kinokafejo (Kino Endstation), jen en la restoracio (Gastronomie).

Aktivecoj

• Lingvoflegado
• preparado de la Germana Esperanto-Kongreso okazonta pentekoste 2008 en Essen
• Grupopartnerecoj inter la Esperanto-kluboj el Helmond / Eindhoven (Nederlando) kaj Essen.
• Redaktado de ReVo kaj Esperanto, la bulteno de la landa Eo-organizaĵo ReVELo

Kontakto

Prezidanto estas ekde 2007 Ludger Schméink. Li estas atingebla per la esperantlingva paĝo ĉe EsperantoLand

Eksteraj ligiloj

• oficialaj paĝoj de la urbo (germanlingvaj)
• turismaj paĝoj pri la urbo (germanlingvaj)