Tojohaŝo

Ĝemelurboj
Wolfsburg, Toledo, Nantong [+]

Tojohaŝo
Flago	Blazono
kerna urbo de Japanio, urbego [+]
Ĝemelurboj
Wolfsburg, Toledo, Nantong [+]
Lando	Japanio
gubernio	Gubernio Ajĉio
Koordinatoj	34° 46′ N, 137° 23′ O (mapo)34.769166666667137.39152777778Koordinatoj: 34° 46′ N, 137° 23′ O (mapo) [+]
Akvokolektejo	261,86 km² (26 186 ha) [+]
Areo	261,86 km² (26 186 ha) [+]
Loĝantaro	371 507 [+] (1-a de februaro 2021)
Horzono	UTC+9
Poŝtkodo	440-8501 [+]
	Tojohaŝo (Japanio)
	Tojohaŝo (Japanio)
	Vikimedia Komunejo: Toyohashi, Aichi [+]
	En TTT: Oficiala retejo [+]
	v • d • r

Tojohaŝo,^[1] - japane 豊橋市 - prononco [Tojohaŝi-ŝi], laŭ Hepburn-transliterigo Toyohashi-shi - estas urbego kaj marhaveno en Japanio, en ĉefa insulo Honŝuo, en regiono Ĉubu, en Gubernio Ajĉio. Laŭ la stato de la censo 2021 en la urbo vivis 371 507 loĝantoj sur areo de 261,86 kvadrataj kilometroj, kio rezultigas loĝdenson de 1 419 loĝantoj/km². Sekve, laŭ japana kvalifiko la urbo estas Kerna Urbo.

Geografio

La urbo situas borde de la Pacifiko ĉe rivera enfluo. Parto de la marbordo estas ne nur strando, sed ankaŭ nesta loko de martestudoj. Niŝio troviĝas 32, Tojota (urbo) 41, gubernia sidejo Nagojo 63, ĉefurbo Tokio 221 kilometrojn aere laŭ [1] Arkivigite je 2024-08-23 per la retarkivo Wayback Machine.

Historio

La areo ĉirkaŭ la aktuala Tojohaŝo estis loĝita dum multaj miloj da jaroj. Arkeologoj trovis homajn restaĵojn el la paleolitiko. En la pli modernaj tempoj la komunumo estis poŝta stacio kun grava rivera transirejo liganta la ĉefurbon kun la orientaj provincoj. En 1879 Tojohaŝo urbiĝis, la bestoĝardeno estis establita en 1899. La urbo oficiale atingis la urbostatuson en 1906. Granda sismo okazis en 1944, sed pli grandaj damaĝoj okazis en la sekva jaro pro aviadila atako, kiu detruis pli ol 60% de la urbo. Ĝuste post jardeko la geografia amplekso signife grandiĝis pro aneksado de najbaraj urbetoj, fine ĝi estis deklarita kerna urbo en 1999 kun pliigita loka aŭtonomio.

Ekonomio

Tojohaŝo estas ĉefe agrikultura loko pro produktadoj de brasikoj, tomatoj kaj vinberoj. La sekundara sektoro estas la industrio, oni produktas aŭtokomponentojn. Ankoraŭ ekzistas signifa komercado.

Eduko

Pluraj universitatoj funkcias en Tojohaŝo.

Trafiko

La Ŝinkansena linio Tōkaidō trairas la urbon. La fervojaj kaj aŭtovojaj kontaktoj estas bonaj. En la urbo tramoj kaj aŭtobusoj liveras la pasaĝerojn. La haveno havas signifan varan trafikon.

Klimato

La urbo situas en humida subtropika klimato (Cfa) laŭ la klimata klasifiko de Köppen. La meza jara temperaturo estas 16 °C. La jarpluvo averaĝas 1651 milimetrojn, en ĉiuj monatoj pluvas, neniam neĝas.