William Hyde Wollaston

El Vikipedio, la libera enciklopedio
Jump to navigation Jump to search
William Hyde Wollaston
(1766-1828)

Malkovrinto de la kemiaj elementoj Paladio kaj Rodio

Malkovrinto de la kemiaj elementoj
Paladio kaj Rodio
Naskiĝo 6-a de aŭgusto 1766
en East Dereham, Norfolk, Flago-de-Anglio.svg Anglio
Morto 22-a de decembro 1766
en Londono, Flago-de-Anglio.svg Anglio
Civitaneco Unuiĝinta Reĝlando de Granda Britio kaj Irlando
Kampo kemio
Alma mater Universitato de Kembriĝo
Honorigo Fellow of the Royal Society • Medalo Copley • Royal Medal • Croonian Lecture • Bakerian Lecture
v  d  r
Information icon.svg

William Hyde Wollaston (1766-1828) (n. en East Dereham, Norfolk, Flago-de-Anglio.svg Anglio, en la 6-a de aŭgusto 1766 - m. en Londono, Flago-de-Anglio.svg Anglio, en la 22-a de decembro 1766) estis angla kemiisto, fizikisto kaj fiziologa kuracisto, kiu malkovris la kemiajn elementojn Paladio kaj Rodio. Li famiĝis ankaŭ dank'al la sia specila metodo en la procezo de la Plateno, transformante ĝian ercon en duktilan ingoton.

Biografio[redakti | redakti fonton]

Li estis filo de la astronomo Francis Wollaston (1731-1815) kaj Althea Hyde. En 1793, li diplomiĝis kiel Doktoro pri Medicino en la Universitato de Kembriĝo, kaj inter 1787 kaj 1828, li estis membro de sia kolegio. Li laboris kiel kuracisto en la kamparaj vilaĝoj inter 1793 kaj 1797. Poste li translokiĝis al Londono. Liaj ĉefaj interesoj estis kemio, kristalografio, metalurgio kaj fiziko. En 1800, dank'al heredo kiun li ricevis el unu el siaj fratoj pli maljunaj, li forlasis la medicinon por sin dediĉi al kemio kaj fiziko. En 1793, li elektiĝis Membro de la Reĝa Societo de Londono, kies influo estis tre alta. En 1820, li nomumiĝis prezidanto. En 1822, li elektiĝis Honora Membro de la Usona Akademio pri Artoj kaj Sciencoj[1].

En 1800, li starigis societon kun Smithson Tennant cele al produktado kaj vendado de kemiaĵoj. Wollaston riĉiĝis dank'al siaj fiziko-kemiaj metodoj en la procezo de la platena erco por komercaj kvantoj. Li sekrete konservis la detalojn de la procezo ĝis preskaŭ sia morto, kaj multe profitis dum ĉirkaŭ 20 jaroj, kiam li estis la sola provizanto de la produkto, kiu estis tre samkvalita kiel la oro, tamen ĝi estis pli malaltkosta. Kemiaj analizoj dum la procezo pri purigado de la plateno, kondukis Wollaston-on al la malkovro de la elementoj Paladio, en 1802, kaj Rodio, en 1804. Anders Gustaf Ekeberg malkovris la kemian elementon Tantalon, en 1802, tamen, Wollaston deklaris ke ĝi estis identa al la Niobio, tiam konata kiel Kolumbio.

Pli malfrue Heinrich Rose (1795-1864) elmontris, en 1846, ke la kolumbio kaj la tantalo estis efektive malsamaj elementoj, do, li renomis la kolumbion kiel "niobion". La mineralo "volastonito"[2] estis pli malfrue nomita omaĝe al li dank'al liaj kontribuaĵoj en la kampoj de la kristalografio kaj minerala analizado. Wollaston ankaŭ provis demonstri sensukcese la ĉeeston de la glukozo en la sango de la diabetoportantoj kaŭze de la tiamaj limigitaj detektorimedoj.

Literaturo[redakti | redakti fonton]

Vidu ankaŭ[redakti | redakti fonton]

Referencoj[redakti | redakti fonton]


Portala ikonoRilataj artikoloj troviĝas en
Portalo pri Homoj