Céline Dion

Influita de
	Cher • Anne Murray • Barbra Streisand • Bette Midler • Édith Piaf • Judy Collins • Stevie Wonder • Freddie Mercury • Aretha Franklin • Bee Gees • Carole King • Elton John • Natalie Cole • Sheena Easton • Bonnie Tyler • Barry Manilow • Neil Diamond • Captain & Tennille • Liza Minnelli • Patti LaBelle vd

Céline Dion
Céline Dion
	Dion estas kantanta "God Bless America" en la jaro 2003
Bazaj informoj
Naskonomo	Céline Marie Claudette Dion
Naskiĝo	30-an de marto 1968 (56-jaraĝa); en Charlemagne
Edz(in)o	René Angélil
Deveno	Montrealo, Kebekio, Kanado
Ĝenroj	popmuziko, rokmuziko, R&B
Profesio	kantistino
Aktivaj jaroj	1981 – nuntempo
Eldoninto	550 Music/Epic/SME Records (1986–2004); Epic/SBMG Records (2004–2007); SBMG Records/Columbia (2007-nuntempo)
Retejo	www.celinedion.com
Influita de
	Cher • Anne Murray • Barbra Streisand • Bette Midler • Édith Piaf • Judy Collins • Stevie Wonder • Freddie Mercury • Aretha Franklin • Bee Gees • Carole King • Elton John • Natalie Cole • Sheena Easton • Bonnie Tyler • Barry Manilow • Neil Diamond • Captain & Tennille • Liza Minnelli • Patti LaBelle vd
Persona informo
Naskonomo	Céline Marie Claudette Dion
Lingvoj	angla • franca
Loĝloko	Henderson • Lasvegaso • Montrealo • Londono
Ŝtataneco	Kanado
Subskribo
Memorigilo
Familio
Patro	Adhémar Dion (en)
Patrino	Thérèse Dion (mul)
Frat(in)oj	Claudette Dion (en) , Paul Dion (en) kaj Jacques Dion (en)
Edz(in)o	René Angélil (en) (1994–2016)
Infanoj	René-Charles Angelil (en) , Nelson Angélil (en) , Eddy Angélil (en)
Okupo
Okupo	kantisto ; pianisto ; restoraciestro (–1997); filmaktoro ; voĉaktoro ; komponisto ; aktoro ; diskografa artisto
TTT
Retejo	https://celinedion.com
	v • d • r

Céline Marie Claudette DION (naskiĝis la 30-an de marto 1968) estas kanada kantistino mondkonata.

Ŝi estis artisto por Paco de Unesko en 1999^[1].

Infaneco

Céline Dion naskiĝis en la hospitalo de Repentigny proksime de Montrealo en Kebekio. Ŝi kreskis en ĉirkaŭaĵo de Charlemagne. Ŝi havas 13 gefratojn, kaj ŝia tuta infaneco estis influita de muziko, ĉar ĉiuj familianoj ludis iun instrumenton. Kvinjaraĝe, ŝi unuafoje kantis publike Mamy Blue por la geedziĝo de sia frato.

Unuaj sukcesoj

En 1980, ŝia patrino sendis muzikan kasedon al René Angélil, fama muzikisto en Kebekio. Post iom da tempo, ŝi kantis malantaŭ li la kanton Ce n'était qu'un rêve (Estis nur sonĝo). Angelil kredis je ŝia voĉo kaj senhezite hipotekis sian domon por financi la karieron de la juna kantistino. En 1981, ili eldonis la unuan kanton la Voix du bon Dieu (la voĉo de la bona Dio). Danke al tiu albumo Celine Dion iĝis fama en Kebekio. La sekvantan jaron, ŝi gajnis la oran medalon en la Monda Festivalo de la Kanzonoj en Tokio.

Ŝi estis aŭtomate selektita por reprezenti la junularon en sia lando por la alveno de la Papo Johano-Paŭlo la 2a en Montrealo la 11-an de septembro 1984: Ŝi kantis Une colombe (Kolombo) antaŭ 65 000 personoj. La saman jaron dua albumo aperis "Les oiseaux du bonheur" (La birdoj de la feliĉo), "Mon rêve de toujours" (Mia ĉiama revo). En novembro ŝi spektaklis en la unua parto ĉe la fama pariza ejo "Olympia" kun la fama franca humuristo Patrick Sébastien.

En 1985, ŝi partoprenis en diversaj kolektivaj diskografiaj projektoj, kiel en la disko por helpi al Etiopio, aŭ en filmaj muzikoj. Ŝi denove ricevis kvin Felix-ojn. En 1986, dum ŝi nur estis 18 jara, kaj dum ŝi ĵus eldonis unu-kanzonan albumon "Billy", ŝi decidis elscenejiĝi dum kelkaj tempoj, por prilabori sian aspekton kaj lerni la anglan. Post tiu interpaŭzo, la komponisto kaj itala aŭtoro Romano Musumarra verkis por ŝi "Je ne veux pas" (Mi ne volas). Tiu vinildisko estis la laste eldonita de la disk-eldonisto Pathé.

Eŭropa rekono

En 1987, ŝi produktis la albumon Incognito, kiu estis eksterordinara sukceso. Rimarkita de la svisaj komponistoj Atilla Serefthug kaj Nella Martinetti, ŝi estis elektita por reprezenti Svislandon ĉe la eŭropa kanzon-konkurso Eurovision kantante Ne partez pas sans moi (Ne foriru sen mi). Gajninte la konkurson en Dublino, la 30-an de aprilo 1988, la Eŭrovido favoris ŝian karieron en Eŭropo.

Monda kariero

En 1990, ŝia albumo Unison kreskigis ŝian internacian rekonon, aparte pro la kanzono kun anglalingva titolo Where Does My Heart Beat Now (Kie mia koro nun batadas).

Ekde tiu periodo, Céline orientiĝis al internacia merkato per rekanto de R&Baj kanzonoj kaj novaj kanzonoj, interalie verkitaj de Diane Warren, komponisto fama pri ties baladoj. Por la albumo Celine Dion en 1992, Warren komponis la kantojn If You Asked Me To (Se vi petus min) de James Bond, Water from the Moon (Akvo de la luno), kaj Nothing Broken but My Heart (Nenio rompita krom mia koro).