Caravaggio
Caravaggio (esperantigebla kiel Karavaĝo; ankaŭ konata kiel Careàs, laŭ la loka bergama dialekto) estas komunumo de Italio kun 15.600 loĝantoj, lokita en la provinco de Bergamo, en la okcidenta bergama ebenaĵo. Ĝia teritorio ankaŭ inkludas du subvilaĝojn, Masano kaj Vidalengo, kaj plurajn etajn kamparajn establiĝojn.
La komunumo ŝuldas sian famon al la loka Sanktejo, titolita al Dipatrino, kiu, laŭ la katolika tradicio, aperis en 1432 en la kamparoj kiuj ĉirkaŭis la urbocentron. La nunan bazilikon starigis en 1571 la arkitekto Pellegrino Tibaldi.
Caravaggio ankaŭ estas konata tuttere ĉar ĝi nomigis la famegan italan pentriston Michelangelo Merisi de Caravaggio, kiu naskiĝis en Milano en 1571 sed loĝis en la urbo dum lia infaneco.
[redakti] Geografio
La urba teritorio estas ebenforma, kaj komprenas plurajn naturajn akvofontojn. Ĝia formo longiĝas laŭ la direkto nordo-sudo, kaj la pleja distanco interne de la teritorio estas 11 km. La alteco super la mara nivelo varias ekde 92 m (ĉe la sud-orienta limo) ĝis 123 m (ĉe la nord-okcidenta limo).
La agrara surfaco konsistas el ĉirkaŭ 84% el la tota komunuma teritorio; la restanta parto reprezentas la industrian kaj rezidan surfacon.
La komunuma ĉefurbo distancas 7 km de najbara Treviglio, 24 km de Bergamo (la provinca ĉefurbo), 39 km de Milano, 52 km de Breŝo, 60 km de Kremono.
[redakti] Ĝemeliĝoj
- Monte Argentario, Italio, ekde la 15-a de septembro 1973.
-Stemma.png){kind=link}