Siselen

El Vikipedio, la libera enciklopedio
Saltu al: navigado, serĉo
Siselen
Blazono de Siselen
Blazono de Siselen
Reformita preĝejo de Siselen
Reformita preĝejo de Siselen
Kantono Berno
Administra distrikto Seeland
Malnova distrikto ĝis 2009 Erlach
Koordinatoj  47°1′54″N 7°11′21″O  /  47.03167°N, 7.18917°O / 47.03167; 7.18917 (Siselen)Koordinatoj: 47°1′54″N 7°11′21″O  /  47.03167°N, 7.18917°O / 47.03167; 7.18917 (Siselen)
Nombro de enloĝantoj 570
Areo 5,52 km²
Alteco 460 m super marnivelo
Poŝtkodo 2577
Komunumkodo 0499
Mapo de Siselen
Mapo de Siselen
v  d  r
Information icon.svg

Pri la komunumo[redakti | redakti fonton]

Siselen estis ĝis la 31-a de decembro 2009 komunumo de la distrikto Erlach kaj ek de la 1-a de januaro 2010 komunumo de la administra distrikto Seeland en Kantono Berno, Svislando. Ĝi havis 570 loĝantojn je la 31-a de decembro 2010.

Geografio[redakti | redakti fonton]

La komunumo Siselen situas en la Granda Marĉo en la Berna Lagolando, proksimume 25 kilometrojn sudsudokcidente de la urbo Bielo kaj samdistance okcidente de la federacia urbo Berno. En nordoriento la komunuma teritorio etendiĝas ĝis al la bordo de la Hagneck-Kanalo. Al la komunumo apartenas krom la vilaĝo Siselen la setlejoj Underi Site kaj Girisberg kaj kelkaj izolitaj bienoj.[1]

La teritorio de la komunumo etendiĝas sur areo de 5,52 km², de kiuj 18,6% estas kovritaj de arbaro, 73,8% servas por agrikulturo kaj 7,1% por setlado. [2]

Trafiko[redakti | redakti fonton]

Tra la komunumo pasas la kantona ĉefvojo n-ro 237 de Aarberg al Müntschemier. La plej proksima alveturejo al la svisa aŭtovojo A6 situas proksimume 10 kilometrojn oriente apud Aarberg kaj al la svisa aŭtovojo A1 12 kilometrojn sudokcidente apud Kerzers. Per haltejo ĉe la tramlinio de Nidau al Ins la komunumo estas konektita al la publika transportreto.

Historio[redakti | redakti fonton]

La unua dokumenta mencio de Siselen datiĝas el la jaro 1160 kiel Sisilli. Dum mezepoko Siselen apartenis al la Grafoj de Neŭŝatelo-Nidau kaj estis kun ties havaĵo akirita en la jaro 1388 de la urba ŝtato Berno, kiu ĝin atribuis al la Voktejo Nidau. En la jaro 1831 Siselen kontraŭ la volo de ĝiaj loĝantoj estis atribuita al la distrikto Erlach, kiu en la jaro 2010 fariĝis parto de la nova administra distrikto Seeland.[3]

Vidu ankaŭ[redakti | redakti fonton]

Notoj kaj referencoj[redakti | redakti fonton]

  1. Fonto: Reta mapo 1:20000 de Swisstopo
  2. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
  3. Fonto: Anne-Marie Dubler: Siselen en Historia Leksikono de Svislando (2011-11-28)

Eksteraj Ligiloj[redakti | redakti fonton]