Torino
.svg)
Torino (en multaj lingvoj: Turin) estas urbo de Italio.
Historio
Torino estis ĉefurbo de Savoja dinastio ekde 1536.
Esperanto en Torino
La franco Alberto Gallois en 1902 en Torino eldonis malmultnombrajn numerojn de gazeto L' Esperantista.
En Torino aktivas, ek de 1913, Torina Esperanto-Centro Giorgio Canuto (TEC), loka sekcio de Itala Esperanto-Federacio, morala institucio aliĝinta al Universala Esperanto-Asocio.
La 9-a Nacia Kongreso de Esperanto okazis en Torino 2-5-a de aŭgusto 1924.
Tie okazis 23-a SAT-Kongreso 1950.
Dum sia centjara historio, TEC organizis ankaŭ plurajn gravajn eventojn, inter kiuj aparte menciindas: en 1971, la jara nacia kongreso de Itala Esperanto-Federacio, sur la ŝipo Karibia naviganta sur la Mediteranea maro; en 1990, ankoraŭfoje la kongreso de I.E.F., en la sidejo de la Torina Universitato. dufoje (1987 kaj 1992) la Paska Intenacia Festivalo de Itala Esperantista Junularo; lirikaj, rok- kaj pop-muzikaj publikaj koncertoj, fare de la bulgaraj kantistoj Maria Angelova kaj Veselin Damjanov, la skandinavaj ensembloj Amplifiki kaj Persone kaj la nederlanda ensemblo Kajto.
La nuntempa sidejo de TEC troviĝas en Via Garibaldi, 13, ĉe Centro Studi Sereno Regis. En Torino aktivas ankaŭ la loka Katedro de Esperanto, kiu oficiale respondecas pri la instruado de la Internacia Lingvo en la tuta regiono.
Renomaj personoj
- Lajos Kossuth tie vivis inter 1864 kaj 1894.
Partneraj urboj
Vidindaĵoj