Ciperlakto

El Vikipedio, la libera enciklopedio
Saltu al: navigado, serĉo
Glaso da horĉato kun Fartons-bakaĵo.

Ciperlakto (ankaŭ ciperaĵo, ciper-suko aŭ eĉ termigdala lakto) estas tradicia trinkaĵo, nome refreŝiga trinkaĵo, farita de diversaj vegetaĵoj, ĉefe el manĝebla cipero (Cyperus esculentus), sed ankaŭ el hordeo, migdalorizo. En Valencilando, kie ĝi estas tipa trinkaĵo, la plej populara formo estas la horĉado el manĝebla cipero. Ĝi ankaŭ ricevas la nomojn orĝatohorĉato.

Tiuj nomoj devenas el la valencia orxata kaj ĝia hispanlingva varianto horchata (kaj pli precize hispane horchata de chufa, katalane orxata de xufes), probable el ordiata, kaj siavice ordi (hordeo) (latine *hordeata < hordeum). Ekzistas en angla kaj franca lingvoj la nomo orgeat, en itala orzata, kaj en surinama nederlanda orgeade kun la sama origino, sed en tiu kazo la trinkaĵoj estas malsamaj, kaj ne plu farataj el hordeo.

vendo de termigdala lakto antaŭ la norda stacidomo en Valencio

La en tuta Hispanujo ŝatata trinkaĵo laŭdire havas sian originon en la vilaĝo Alboraya. Tie la termigdalo estas kultivata granddimensie. La tuberoj estas lavataj, trampataj kaj elpremataj. Poste aldoniĝas sukero kaj akvo kaj oni ricevas laktecan fluidaĵon, kiu estas riĉa je vitaminoj kaj mineraloj, i.a. je fosforo, kalio, vitamino C kaj Vitamino E.

En la laktejoj la trinkaĵo estas freŝe farata kaj malvarme servita. Oni manĝas en kelkaj lokoj kun longecaj bakaĵoj por entrempi.

Eksteraj ligiloj[redakti | redakti fonton]