Husejn la 1-a (Jordanio)

El Vikipedio, la libera enciklopedio
Jump to navigation Jump to search
Husejn la 1-a dum vizito al Usono en 1997

Husejn bin Talal (arabe الحسين بن طلال, latinliterigo laŭ sistemo DMG al-Ḥusain bin Ṭalāl; naskiĝis la 14-an de novembro 1935 en Amano, Jordanio; mortis la 7-an de februaro 1999 samloke) inter la jaroj 1952 kaj 1999 estis la reĝo de Jordanio. Li estis membro de la nobela dinastio de haŝemidoj.

Vivo[redakti | redakti fonton]

Husejn bin Talal naskiĝis kiel filo de Talal bin Husejn kaj kiel nepo de Abdalah ibn Husejn, la filo de Husejn ibn Ali, ŝarifo kaj emiro de Mekko. Li kaj Hasan la 2-a de Maroko en la araba mondo konsideriĝis unu el la du tiutempaj regantoj, kiuj estas rektaj posteuloj de la profeto Mohamedo.