Jajoi-epoko
 |
|---|
|
La Jajoi-epoko (弥生 時代?, Yayoi jidai), startis en la komenco de la Neolitiko en Japanio, pluis tra la Bronzepoko, kaj je sia fino eniris en la Ferepoko.[1][2][3]
Ekde la 1980-aj jaroj, fakuloj argumentis, ke periodo iam klasita kiel transiro el la Ĵomon-epoko estu pli bone reklasita kiel Frua Jajoi.[4] La dato de la komenco de tiu transiro estis polemikiga, kaj ĉirkaŭkalkuloj rangis el la 10a ĝis la 6a jarcentoj a.K.[3][5]
La periodo ricevas sian nomon laŭ la kvartalo Jajoi de Tokio kie arkeologoj malkovris artefaktojn kaj aferojn el tiu epoko. Distingaj karakteroj de la Jajoi-epoko estis la apero de novaj stiloj de ceramiko kaj la starto de intensa agrikulturo de rizo. Hierarkia sociklasa strukturo datas el tiu periodo kaj tio havas sian originon en Ĉinio. Ankaŭ teknikoj en metalurgio bazitaj sur la uzado de bronzo kaj fero estis enmetitaj el Ĉinio tra Koreio al Japanio en tiu periodo.
La Jajoi sekvis la Jōmon periodon (14 000 a.K. – 1000 a.K.) kaj la Jajoi kulturo floris en geografia areo el suda Kyūshū ĝis norda Honshū. Arkeologia pruvaro subtenas la ideon ke dum tiu epoko, amase farmistoj (Jajoi-homoj) el la Korea Duoninsulo venis al Japanio, formortigis aŭ miksiĝis kun la indiĝena loĝantaro de la ĉasistoj-kolektistoj (Jomon-oj). Tiel modernaj japanoj estas posteuloj de la Jajoi-oj (ĉefe el la Korea Duoninsulo) kun nur tre malgranda modera influo el la iamaj Jōmon-aj ĉasistoj-kolektistoj, depende de la regiono.[6]
Notoj
[redakti | redakti fonton]- ↑ Silberman et al., 154–155.
- ↑ Schirokauer et al., 133–143.
- ↑ 3,0 3,1 (2007) “A Comment on the Yayoi Period Dating Controversy”, Bulletin of the Society for East Asian Archaeology 1. Arkivigite je 2019-08-01 per la retarkivo Wayback Machine
- ↑ (2004) Ancient Jomon of Japan. Cambridge University Press. ISBN 978-0-521-77670-7.
- ↑ (2013) The Archaeology of Japan: From the Earliest Rice Farming Villages to the Rise of the State. Cambridge University Press, p. 35–36. ISBN 978-0-521-88490-7.
- ↑ 'Jomon woman' helps solve Japan's genetic mystery | NHK WORLD-JAPAN News (angle). Alirita 2019-07-14.
Bibliografio
[redakti | redakti fonton]- Habu, Junko (2004). Ancient Jomon of Japan. Cambridge, MA: Cambridge Press. ISBN 978-0-521-77670-7.
- Schirokauer, Conrad (2013). A Brief History of Chinese and Japanese Civilizations. Boston: Wadsworth Cengage Learning.
- Silberman, Neil Asher (2012). The Oxford Companion to Archaeology. New York: Oxford University Press.