Maurice René Fréchet

El Vikipedio, la libera enciklopedio
(Alidirektita el Maurice Fréchet)
Jump to navigation Jump to search
Frechet.jpeg

Maurice René FRÉCHET (2-a de septembro 18784-a de junio 1973) estis mondkonata matematikisto kaj franca esperantisto. Li estis membro de la Honora Patrona Komitato de UEA de post 1958.

Li estis mondfama matematikisto, membro de pluraj akademioj de sciencoj, interalie tiuj de Francio, Pollando kaj Nederlando, kaj emerita profesoro de matematiko en la Scienca Fakultato de la Universitato de Parizo. Prezidanto de ISAE de 1950 ĝis 1953 kaj aktiva pledanto por Esperanto en sia fako, li aperigis plurajn matematikajn studojn originale verkitajn en Esperanto kaj kunlaboris en Sciencaj studoj. Nelaste, li estis honora membro de Internacia Instituto de Statistiko, honora prezidanto de Federacio de Francaj Sciencaj Societoj kaj antaŭa prezidanto de Matematika Societo de Francujo. La franca ŝtato honorigis lin per la ordeno de la Honora Legio.

Verkoj[redakti | redakti fonton]

  • Determinado de la plej generalaj planaj paraanalitikaj funkcioj, Ann. di Mat.,35,1953,255-268.
  • La kanonaj formoj de la 2,3,4 dimensiaj paraanalitikaj funkcioj. Comp. Math.,12,2,81-96,1954.
  • La paraanalitikaj funkcioj en n dimensioj, Journal für die reine und angewandte Mathematik,195,1/2,1956,22-41.
  • Pri iuj tipoj de minimumaj surfacoj, Sciencaj Studoj bazitaj sur originalaj esploroj kaj observoj, P.Neergard ed., ISAE, 1958.
  • Ĉu la spaco de la kurboj estas Banach-a spaco ? J.Math. pures et appl., t.40,1961,p.197.
  • L’espace dont chaque élément est une courbe n’est qu’un semi-espace de Banach, Ann.scient. Ec.Norm.Sup., 3e série,78,1961,p.241-272.

Vidu ankaŭ[redakti | redakti fonton]

Eksteraj ligiloj[redakti | redakti fonton]

Faces-nevit.svg Trovu « Maurice René Fréchet » inter la
Vizaĝoj de homoj
rilataj al la ideo
«Internacia Lingvo»