Maŭro La Torre

El Vikipedio, la libera enciklopedio
(Alidirektita el Mauro La Torre)
Saltu al: navigado, serĉo
Maŭro La Torre
La Torre Mauro en 2008
La Torre Mauro en 2008
Personaj informoj
Naskiĝo 11-an de novembro 1946
en Romo, Flag of Italy (1861-1946) crowned.svg Itala reĝlando
Morto 26-an de marto 2010
en Romo, Italio Italio
Nacieco italo
Lingvokapablo Esperanto
v  d  r
Information icon.svg

Maŭro LA TORRE (naskiĝis la 11-an de novembro 1946 en Romo, mortis la 26-an de marto 2010 en Romo) estis itala esperantisto.

Li doktoriĝis pri Matematika lingvistiko en la universitato La Sapienza, en Romo. Li poste iĝis profesoro pri Eksperimenta pedagogio en la Fakultato pri Klerigsciencoj de la Universitato Romo, kie li instruis pri Lernotaksado, Komputik-didaktiko, Teksto-komputado, Interlingvistiko. Apartenante je la Departemento pri Didaktika kaj Eduka Projektado (DIPED), li kunordigis tiean esplorlaboratorion pri Aŭtomata Tekstanalizo (LAAT).

Li verkis plurajn librojn kaj artikolojn, interalie pri analogia lernotaksado, komputik-instruado, aŭtomata tekstanalizo, lernado de Esperanto. Li longe okupiĝis pri Terminologio, ĝenerale kaj aplike en la kampoj de matematiko kaj komputiko (vidu ekzemple Komputekon).

Li estis prezidanto de ILEI, kaj en ĝia kadro, en la jaro 1998, li lanĉis la interlernejan edukprojekton Interkulturo, celantan egalrajtan Interkulturan edukadon. Pro tiu projekto, en 2000, li elektiĝis Esperantisto de la Jaro.

Maŭro La Torre estis membro de la Akademio Internacia de la Sciencoj de Sanmarino kaj – ekde 2007 – de Akademio de Esperanto. Li kontribuis en Vikipedio kiel vikipediisto Laturo.

Premio Mauro La Torre[redakti | redakti fonton]

En 2014 la familio La Torre anoncis al ILEI deziron lanĉi Premion honore al Mauro La Torre kaj disdoni ĝin ĉiun duan jaron.

La unua Premio estis anoncita okaze de la 48-a ILEI-Konferenco en Oostende, Belgio, en julio 2015. Ĝi iris al D-ro Davide ASTORI el Italio por lia laboraĵo pri la du tradukoj de la verko Pinokjo de Collodi. Transdono de la Premio okazis en Lillo komence de la Tago de Lernado dum la 100-a UK.

Eksteraj ligiloj[redakti | redakti fonton]

Faces-nevit.svg Trovu « Maŭro La Torre » inter la
Vizaĝoj de homoj
rilataj al la ideo
«Internacia Lingvo»