Sanatorno (Jalta municipo)

Urbotipa loĝloko en Aŭtonoma Respubliko Krimeo
Sanatorno ruse Санаторное ukraine Санаторне krime-tatare Melas
Apartenas al:	Jalta municipo
Averaĝa alto super la marnivelo:	~50 m
Loĝantaro:	531 (laŭ 2001)
Poŝtkodoj:	98692
Telefonkodo:	+380-654
Hor-zono:	UTC+3
Antaŭaj nomoj:	Melas
Oficiala paĝaro nekonata

Sanatorno (antaŭe Melas, ruse Санаторное, ukraine Санаторне, krime-tatare Melas) - urbotipa loĝloko

de la Jalta municipo (montrita flave sur la mapo) de Aŭtonoma Respubliko Krimeo, apartenas al la Forosa komunumo. La loĝloko situas 3 kilometrojn oriente de Foroso, 39 kilometrojn okcidente de Jalto kaj estas grava ripoz- kaj kurac-loko.

Post la anekso de Krimeo fare de Rusia Imperio la tero, kiun nun okupas la loĝloko, apartenis al L. A. Perovskij (rusuja politikisto); post lia morto la tero transiris al fama rusa verkisto A. K. Tolstoj.

Dum sovetia tempo la loĝloko evoluis kiel ripoz- kaj kurac-loko. Ĉi tie estas 3 sanatorioj (unu el ili - porinfana). Vidindas la palaco de Perovskij (arkitektura monumento; ĝin nun okupas unu el la domoj de la sanatorio "Melas") kaj la parko.

Apud la loĝloko troviĝas bela natur-monumento - la monto "Drako", kiu havas tre bizaran aspekton. La aŭtovojo Sebastopolo-Teodozio trairas la monton helpe de 150-metra tunelo.