Mohamedo (nomo)

Mohamedo (en la klasika araba lingvo محمد Muḥammad) estas vira persona nomo. Ĝi estas la nomo de Mohamedo, la profeto de islamo, kaj de multaj viroj, ĉefe islamaj aŭ islamdevenaj, sed ankaŭ ekz-e bahaaj, kaj ankaŭ aperas kiel familia nomo. La signifo estas "laŭdata" aŭ "laŭdinda".

Variaĵoj aŭ parencaj nomoj estas Mehmet (en Turkio), Magomet (en eksa Sovetunio), Mahmud, Ahmad/Ahmed. Kune kun siaj variaĵoj ĝi estas la plej ofta persona nomo tutmonde.

Formoj

En Esperanto ekzistas diversaj skribmanieroj por tiu nomo.

La formo Mahometo estas tradicia kaj zamenhofa. Ĝi estas transprenita el eŭropaj lingvoj, kiuj siavice prenis ĝin el la mezepoka latina. Italo Chiussi en sia traduko de La Nobla Korano (1970) uzis la formon Mahometo.

En la unua eldono de Plena Ilustrita Vortaro, en Nova Plena Ilustrita Vortaro kaj ankaŭ en la Etimologia Vortaro de la Propraj Nomoj de André Cherpillod aperas du formoj: Mahometo kaj Mohamedo. La formo Mohamedo estas la esperantigo plej proksima al la moderna, parolata araba (kie la mallongaj u kaj a de Muhammad prononciĝas o kaj e: Moham[m]ed). Nova Plena Ilustrita Vortaro rekomendas la formon Mahomedo.

Krome ekzistas Muhamado kaj Muhammado, kiuj estas senperaj esperantigoj de la nomo el la klasika araba lingvo. Italo Chiussi en sia verko Je la flanko de la Profeto (1978) uzis la senfinaĵan formon Muhammad.

Oni povus diri, ke la formo Mohamedo prezentas kompromison inter la tradicia Mahometo kaj formoj pli fidelaj al la araba fonto kiel Muhamado, Muhammado aŭ Muhammad.

Konataj nomportantoj

• Mohamedo, n. ĉ. 570, la profeto de islamo

Regnestroj

• Mohamedo la 1-a de Kordovo
• Jalaluddin Muhammad Akbar, 1542-1605, Mogola imperiestro
• Muhammad Ali (paŝao), m. 1769, Osmana Imperio, vicreĝo de Egipto
• Mohamed Reza Pahlavi, m. 1919, lasta ŝaho de Irano
• Mohamedo la 5-a de Maroko
• Mohamedo la 6-a de Maroko
• (...)

(kompletigenda)

Politikistoj

• Mohamed Mosadek, n. 1882, Irano
• Ŝejko Mohammed Abdullah, n. 1905, Kaŝmiro
• Nur Mohammad Taraki, n. 1913, Afganio
• Mahathir bin Mohamad, n. 1925, Malajzio
• Mohammad Ĥatami, n. 1943, Irano
• Ali Mohamed Gedi, n. 1952, Somalio
• Mohamed Mursi, n. 1951, Egiptujo

Bahaanoj

Gravaj personoj de la Bahaa Kredo:

• Siyyid `Alí Muḥammad aŭ Báb, n. 1819
• Mírzá Muhammad-Qulí, n. 1837

Aliaj

• Mohamedo Ibn Abd al Wahab, n. 1703, islama teologo
• Muhammad Ikbal, n. 1877, pakistana poeto
• Muhammed Yunus, n. 1940, bangladeŝa ekonomikisto, Nobel-Premiito pri paco
• Mohamed ElBaradei, n. 1942, ĉefo de Internacia Atomenergia Organizo (IAEO), Nobel-Premiito pri paco
• Muhammad Ali, n. 1942, usona boksisto

Esperantistoj

• Muhammad Siddiq Cheema, Pakistano