Vera Wang
| Vera Wang | |
|---|---|
| |
| Persona informo | |
| Naskiĝo | 27-an de junio 1949 (74-jaraĝa) en Nov-Jorko |
| Lingvoj | Nordĉina dialektaro • angla • franca |
| Ŝtataneco | Usono |
| Alma mater | Friends Seminary • Chapin School • Universitato de Parizo • Universitato Sarah Lawrence |
| Familio | |
| Patro | Wang Cheng Ching |
| Patrino | Florence Wu |
| Edz(in)o | Arthur Becker |
| Infanoj | 2 |
| Okupo | |
| Okupo | dezajnisto • arta sketisto • mododezajnisto • entreprenisto |
| Verkoj | dark plum Vera Wang dress of Keira Knightley |
| TTT | |
| Retejo | https://www.verawang.com/ |
Vera WANG (ĉine 王薇薇, pinjine Wáng Wēiwei; naskita la 27-an de junio 1949) estas usona modokreanto [1].
Vivo[redakti | redakti fonton]
Vera Ellen Wang estis naskita kaj kreskita en Novjorko al gepatroj de ĉina deveno [2]. Ŝiaj gepatroj naskiĝis en Ŝanhajo kaj translokiĝis al Usono meze de la 1940-aj jaroj. Ŝia patrino laboris kiel tradukisto por la Unuiĝintaj Nacioj. Wang havas unu fraton nomitan Kent kiu estas pli juna ol ŝi. Wang diplomiĝis en 1967 kaj komencis studi ĉe la Sorbonne kie ŝi gajnis diplomon pri arthistorio. En la aĝo de 6, Wang komencis lernante artan sketadon kaj partoprenis en diversaj konkursoj sed post malsukceso eniri la teamon por la Olimpiko, ŝi interesiĝis pri la moda industrio [3][4].
En 1989 ŝi geedziĝis kun Arthur Becker. La du vivis en Manhatano kune kun siaj du adoptfilinoj: Cecilia (naskita en 1990) kiu studas ĉe la Universitato de Pensilvanio kaj Josephine (naskita en 1993) kiu studas en Universitato Harvard. En julio 2012 la du disiĝis.
Kariero[redakti | redakti fonton]
En la fruaj sepdekaj, Wang estis ĉefredaktisto ĉe la modrevuo Vogue. Ŝi forlasis la gazeton post kiam ŝi ne estis promociita al la pozicio de ĉefredaktisto kaj la pozicio estis prenita fare de Anna Wintour. Wang aliĝis al dezajnisto Ralph Lauren kaj laboris kun li dum du jaroj [5].
En 1990 ŝi malfermis sian unuan butikon en New York, ekde tiam Wang malfermis aliajn butikojn ĉirkaŭ New York, en Londono, Tokio, kaj Sidnejo. Krome, Wang vastigis ŝiajn dezajnojn de edziniĝaj roboj ĝis sunokulvitroj, juvelaĵoj kaj ŝuoj. La 23-an de oktobro 2001, la libro de Wang nomita Vera Wang pri Geedziĝo estis publikigita [6].
Wang dezajnis edziniĝajn robojn por multaj famuloj kiel ekzemple: Alicia Keys, Ivanka Trump, Chelsea Clinton, Victoria Beckham, Mariah Carey, Avril Lavigne, Jennifer Lopez, Jennifer Garner Sharon Stone, Sarah Michelle Gellar, Hilary Duff, Uma Thurman, Kim Kardashian, Viola Davis, Kate Hudson kaj Holly Hunter. La roboj de Wang ankaŭ estis portitaj fare de Michelle Obama.
Wang dezajnis multajn naciajn artsketadkostumojn kaj eĉ dezajnis la uniformojn portitajn nuntempe fare de la Huraistinoj de Philadelphia Eagles [7]. En 2002, Wang membrigis la hejman dezajnomerkaton kaj lanĉis kolekton de porcelanaj pladoj dezajnitaj fare de Vera Wang.
En 2005 ŝi gajnis la CFDA-premion kiel la virinvesta dezajnisto de la jaro [8]. La 27-an de majo 2006, al Wang estis premiita Vivatingopremio fare de la Andre Leon Talley Foundation. En 2010, dudek jarojn post malfermi sian unuan butikon, Wang gajnis la premion "Leadership in the Arts" de la Harvard-Radcliffe Asian American Association. En junio 2012, la unua butiko de Wang estis malfermita en Seulo.
Vera Wang verŝajne estas la nomo plej rilata al la prestiĝa kaj dezirinda industrio de geedziĝo kaj vesperrobo en la mondo, kaj kiel tia ŝi ankaŭ estas konsiderata honora membro de la plej bonaj Hollywood-rondoj. Sekve, la usona dezajnisto subtenas enviindan nutradon, ĝisdatigitan stilon kaj precipe varman figuron. En la lastaj jaroj, ŝi ofte dividas siajn modajn aspektojn en Interreto, aspektoj kiuj preskaŭ tuj fariĝas viralaj kaj, ne surprize, provokas viglan diskuton pri la sekreto de juneco. "Labor, dormo, kaj vodkokoktelo," finis Wang kiam demandite kiel ŝi sukcesas konservi junecan aspekton.
Vera Wang, kiu konstruis sian nomon kiel internacia superdezajnisto danke al siaj edziniĝaj roboj, lastatempe lanĉis originalan kaj inĝenian retejon dediĉitan al unu afero: donaclisto por geedziĝo de paroj, kiel kutimas en usono, kiu inkluzivas nur ŝiajn produktojn. Ĉi tiu ideo ne estus konsiderata revolucia en la mondo de merkatado ĝenerale, kaj en la mondo de modo aparte, se Wang ne estus farinta sian hejmtaskon ĝuste.
Krom la vestaĵkolekto, la juvelaĵlinio kaj la subvesta linio, ŝi lanĉis parfumojn, littukojn, mantukojn, matracojn, porcelanaĵojn kaj skribvarojn - ĉiuj kune konstruas romantikan kaj ŝikan vivstilan markon. Kvankam multaj modokreantoj kiel Kenneth Cole, Giorgio Armani kaj Tommy Hilfiger jam enkondukis hejmajn dezajnoliniojn, neniu el ili prenis la merkatan strategion tiom malproksimen. "Nia oficiala sinteno pri geedziĝaj aferoj permesis al ni krei fidon inter la konsumanto kaj la hejma kaj vivstila produktserio," Wang klarigis en intervjuo. "La sekva logika paŝo estas profundigi la rilaton kun la kliento dum sia tuta vivo, kaj la celo estas daŭre disvolvi laŭ la rapideco de evoluo de la bezonoj de la kliento".
Filmografio[redakti | redakti fonton]
Wang aperis en pluraj televidserialoj kiel ŝi mem:
Referencoj[redakti | redakti fonton]
- ↑ "Vera Wang Wed To Arthur Becker", June 23, 1989.
- ↑ . Vera Wang celebrates 72nd birthday in style with Cher (sort of). Today (July 3, 2021). Arkivita el la originalo je October 14, 2021. Alirita October 14, 2021.
- ↑ Barsamian, Edward, "Vera on Ice", The New York Times, December 20, 2011.
- ↑ Krohn, Katherine. (2006) Vera Wang (A&E Biography). Twenty-First Century Books. ISBN 0-8225-6612-5.
- ↑ Vera Wang. Fashion Model Directory.
- ↑ Vera Wang On Weddings. Alirita July 27, 2020.
- ↑ Highlights. Philadelphia Eagles. Arkivita el la originalo je April 19, 2018. Alirita August 8, 2016. Arkivigite je 2018-04-19 per la retarkivo Wayback Machine
- ↑ "Vera Wang honored for lifetime achievement", The Columbus Dispatch, June 5, 2013. Arkivigite je 2019-03-02 per la retarkivo Wayback Machine
Eksteraj ligiloj[redakti | redakti fonton]
- Oficiala retejo
- Vera Wang ĉe FMD
- Vera Wang ĉe Interreta filma datumbazo (angle)