Acero

El Vikipedio

Acero
Folioj de arĝenta acero (Acer saccharinum)
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonuloj Dicotyledones Ordo: Sapindaloj Sapindales Familio: Sapindacoj Sapindaceae Genro: Acero Acer L.
Distribuo de aceroj
Specioj
Vidu liston de acerspecioj

Acero estas specaro de aceracoj, falfoliaj arboj, el kiuj pluraj rimarkeblas per aŭtune buntaj koloroj. La blanka aŭ helruĝa ligno estas utiligata precipe por mebloj kaj tornaĵoj.

• Floroformulo: Ka_4-5Ko_4-5A_{4+4aŭ 5+5}G ₍₂₎ ovario supre staranta
• Infloresko:umbelo, grapolo
• Frukto: duopa samaro

• kampa acero (Acer campestris) estas malgranda arbo aŭ arbeto kreskanta ofte en heĝoj en la nenordaj partoj de Eŭropo; la negrandaj folioj estas kvinlobaj, sen akraj pintoj.
• sikomora acero (Acer pseudoplatanus) ties foliofingraĵoj estas pintaj; la plej abunda speco de acero en Eŭropaj arbaroj, ĉefe sur ebenaĵoj.
• verda aŭ Manitoba acero (Acer negundo) kreskas en Nord-Ameriko
• plataneca acero (Acer platanoides), indiĝena en granda parto de Eŭropo
• tatara acero (Acer tataricum) (nigraringa acero) oftas en kverka arbaro
• sukeracero (Acer saccharum) ĝiaj 3-5-lobaj folioj estas simbolo por Kanado, bildigita sur la Kanada flago.
• Arĝenta acero (Acer saccharinium) en Nordameriko

kelkaj acerspecoj havas foliojn tute ne similajn al tipaj aceroj, ekzemple

• Karpenofolia acero (Acer carpinifolium) en Japanio.