Arnold Behrendt

El Vikipedio, la libera enciklopedio
Saltu al: navigado, serĉo

Arnold BEHRENDT [berent] (naskiĝis la 29-an de aprilo 1877 en Tilsit; mortis la 24-an de februaro 1935 en Berlino) per kormalsano. Li estis germana poŝtkonsilisto kaj esperantisto.

Li esperantiĝis en 1908. En 1913 li iĝis prezidanto de konsilantaro kaj de 1929 ĝis 1934 li estis prezidanto de Germana Esperanto-Asocio.

Lia propra agado estis la kutima: paroladoj, artikoloj kaj instruado. Lia laboro per Esperanto rilatas unuavice lian profesion: fakaj artikoloj en la iam eldonita de li Poŝta Esperantisto informis la anojn de ILDEPO (prezidita de li 1911-1914) pri diversaj fakaj aferoj. Dum la unua mondmilito li kunlaboris en la Internacia Bulteno, tradukis multajn paroladojn ktp. de germanaj ŝtatistoj, broŝurojn pri la milito, statistikon kaj similajn. Post la milito li tradukis kelkajn broŝurojn pri Supera Silezio kaj eldonis komence de 1923 unu kajeron Germanlanda Bulteno pro la invado en la germanan Ruhr-teritorion.

Li verkis kelkajn lernolibrojn de Esperanto, inter ili lernolibron por poŝt- kaj telegrafoficistoj. La studado naskis multajn artikolojn prilingvajn por Esperanto-Praktiko kaj Germana Esperantisto.

Li membris en la Lingva Komitato ekde 1911. En iama Revuo aperis liaj unuaj poemoj; poste Esperanto-Praktiko publikigis poemojn kaj prozaĵojn de li.

Behrendt estis ekde 1929 prezidanto de Germana Esperanto-Asocio.

Estas indikoj, ke la favoris la adaptiĝon de la Esperanto-Movado en Germanio al la novaj politikaj kondiĉoj ekde 1933. Supozeble li estis membro de la partio NSDAP.

1909 parolado en Breslau (nun Vroclavo) en bankista unuiĝo pri la temo „Nuna stato kaj estonteco de Esperanto”. En 1912 ekzistis en Breslau entute 17 novaj kursoj, inter ili unu en la imperiestra telefonoficejo, sub gvidado de Arnold Behrendt, nur por poŝt- kaj telegrafoficistoj (136 anoj) kaj Ruĝkruca kurso kun 50 partoprenantoj. En la Januara/Februara 1913 numero de Mitteilungen der Ortsgruppe Breslau estis publikigitaj artikoloj pri „Elias Zepler kiel esperantisto” de Georg Mahn kaj „Esperanto und Ido” de Arnold Behrendt. La lasta artikolo speciale atentigas pri la tie eldonita nova flugfolio pri tiu ĉi temo, verkita de d-ro Haller-Leisnig. Ankorau en februaro, Arnold Behrendt propagande parolis en „Libera Studentaro, sekcio por ŝtata kaj popola scienco”, kaj en la loka grupo de „Vortrupp”. En marto li faris paroladon en la loka grupo de „Alldeutscher Verband” pri „Esperanto-movado kaj Deutschtum”. Estas kreita en 1914 Internacia Ligo de Esperantistaj Poŝtoficistoj (ILEPO) kun oficejo en Breslau. La ligo celis disvastigi Esperanton inter poŝtoficistoj ĉiulandaj kaj la publiko, la ĉiumonata organo estis „Poŝta Esperantisto”, Arnold Behrendt iĝis sia prezidanto.

En Germana Esperantisto, Aprilo 1935 estis longa nekrologo, verkita de Friedrich Ellersiek.

Verkoj[redakti | redakti fonton]

  • La radio-ĉefstacio Königs Wusterhausen disaŭdigis 16.11. Sur ondo 2450 paroladon de telegr.-dir. Behrendt, poste sur ondo 2800 E-koncerton. Oni fondis post ĝi „Germanan Radio-Ea-Ligon“. P telegr.-dir. Behrendt, VP telegr.-dir. Gerlach, direktoro de la radio-ĉefstacio, oficejo ĉe Ellersiek & Borel. Germana Esperantisto, 1925

Kunlaboranto de la Enciklopedio de Esperanto.

  1. Arnold Behrendt: Klara Zamenhof †, Germana Esperantisto, 1925 No.1, p.1
  2. Arnold Behrendt: Provo de teknika vortaro por poŝto kaj telegrafo. En germana, franca, angla kaj Esp. -lingvoj. Breslau, 1911, 22 p.
  3. Arnold Behrendt: Die Esperanto-Sprache. Lehrgang. Breslau: Deutsche Post- u. Telegrafenbeamten-Vereinigung für Esperanto, 1912, 14 p.
  4. Helfferich, Karl, La origino de la mondmilito lau la publikigaĵoj de la Triple-Entente-ŝtatoj. de D-ro Carl Helfferich. Esperantigis Arnold Behrendt. Berlin: Deutscher Esperanto-Dienst (Germana Esperanto-Servo), 1915 Stilke 32 p. 8". BTZE p.v.198, no.3 (titolo germane: Die Entstehung des Weltkrieges im Lichte der Veröffentlichungen der Dreiverbandmächte, von Dr. Karl Helfferich)


  1. Arnold Behrendt: Esperanto: die internationale Hilfssprache; ein Lehrbuch für Post-, Telegraphen- und Fernsprechbeamte (unter Berücksichtigung des Funkwesens), F. Westphal, 216 Seiten
  2. Behrendt, Arnold (1931) : Deutscher Esperanto-Bund E.V. - Ein Rückblick auf 25 Jahre (1906-1931), zusammengestellt von Postrat Behrendt, Vorsitzender des D.E.B., 16 S.
  3. Deutscher Esperanto-Bund e.V. : ein Rückblick auf 25 Jahre / Arnold Behrendt, Nachdr. der Ausg. Magdeburg 1931 / mit einem bibliograph. Nachtr. von Reinhard Haupenthal, Saarbrücken : Iltis-Verl. 1996, 16 S. ; 21 cm
  4. Arnold Behrend, Achtung! : Welle Esperanto ; Hilfsbuch f. d. Esperanto-Unterricht durch Rundfunk ; Wanderungen durch das Esperanto-Sprachgebiet Berlin : Ellersiek & Borel,1926, 56 S. ; kl. 8 Deutsch-Esperanto-Bücherei ; 10
  5. Arnold Behrend, Internationaler Rundfunkdienst und Esperanto, Lübeck : Westphal [1925] 11 S. ; 8 in: Das Esperanto ein Kulturfaktor ; [5, Beil.]
  6. La origino de la mondmilito laǔ la publikigajoj de la Triple-Ententestatoj / de Karl Helfferich. Esperantigis Arnold Behrendt, Berlin : Deutscher Esperanto-Dienst, 1915, 32 S. ; 8 (germana titolo: Karl Helfferich, Die Entstehung d. Weltkrieges im Lichte d. Veröffentlichungen d. Dreiverbandmächte )
  7. Behrendt, A.: Esperanto-Schule Lehrgang für Anfänger, Zweite Lehrstunde, p. 26: Germana Esperanstisto kun Esperanto-Praktiko 22a Jaro Nr. 1 (347) Januaro 1925