Bergün/Bravuogn

El Vikipedio, la libera enciklopedio
Saltu al: navigado, serĉo
Bergün/Bravougn
Blazono de Bergün/Bravougn
Bergün/Bravuogn
Kantono Grizono
Distrikto Albulo
Komunumaro Bergün
Koordinatoj  46°37′48″N 9°45′0″O  /  46.63°N, 9.75°O / 46.63; 9.75 (Bergün/Bravuogn)Koordinatoj: 46°37′48″N 9°45′0″O  /  46.63°N, 9.75°O / 46.63; 9.75 (Bergün/Bravuogn)
Nombro de enloĝantoj 474
Areo 145,65 km²
Alteco 1367 m super marnivelo
Poŝtkodo 7482
Komunumkodo 3521
Mapo de Bergün/Bravuogn

Pri la komunumo[redakti | redakti fonton]

Bergün/Bravuogn (germana nomo Bergün, romanĉa nomo Bravuogn, por emfazi la dulingvecon oficiale skribata per la duobla nomo) estas ĉefloko de la komunumaro Bergün kaj komunumo de la distrikto Albulo en Kantono Grizono, Svislando. Ĝi havis 474 loĝantojn je la 31-a de decembro 2009.

Geografio[redakti | redakti fonton]

Bergün situas en la supra parto de Albulovalo. La komunuma teritorio etendiĝas ĝis la kulmino de Albulopasejo. Sub la pasejo komenciĝas per diversaj fontoj la rivero Albulo. Sur la komunua teritorio situas la Lago de Palpuogna, kiun nutras kaj de kiu denove elfluas la rivero Albulo. Al la komunumo apartenas krom la ĉefvilaĝo Bergün/Bravuogn ankaŭ la vilaĝetoj Preda ĉe la pasejo, Latsch kaj Stugl/Stuls.

Najbaraj komunumoj[redakti | redakti fonton]

La komunumo Bergün/Bravuogn limas al Bever, Davos, Filisur, La Punt-Chamues-ch, Samedan, S-chanf, Tinizong-Rona, kaj Zuoz.

Trafiko[redakti | redakti fonton]

Tra Bergün pasas la vojo n-ro 749 de Tiefencastel tra Albulopasejo al Engadino. Tra la pasejo pasas ankaŭ la fama Albulolinio de Retia Fervojo, kiu disponas pri pluraj stacidomoj sur la teritorio de Bergün/Bravougn. Ek de la jaro 2008 tiu fervojlinio estas Monda Heredaĵo de UNESKO.

Historio[redakti | redakti fonton]

La unua dokumenta mencio de Bergün/Bravuogn datiĝas el la jaro 1209 kiel Bregonio. Dum mezepoko en Bergün/Bravuogn regis la episkopo de Koiro. En la jaro 1537 la civitanoj de Bergün/Bravuogn sin liberaĉetis de la episkopa servuteco. Ĝis 1853 Bergün/Bravuogn estis tiam ĉefloko de la samnoma tribunalkomunumo. En la jaro 1854 estis kreita la komunumaro Bergün, al kiu ankaŭ apartenis Filisur, Wiesen, Latsch kaj Stuls. En la jaro 1912 Latsch kaj en 1920 Stugl/Stuls estis integritaj al la komunumo Bergün/Bravuogn.

Per la traboro de Bergünerstein en 1696 kaj konstruo de veturebla vojo en la jaro 1865 la trafiko trans la Albulopasejo akiris gravecon. La malfermo de la Albulolinio de Retia Fervojo malfermis la regionon al la turismo. [1]

Vidu ankaŭ[redakti | redakti fonton]

Notoj kaj referencoj[redakti | redakti fonton]

  1. Fonto: Jürg Simonett: Bergün/Bravuogn en Historia Leksikono de Svislando (2004-06-11)

Eksteraj ligiloj[redakti | redakti fonton]

Bildoj[redakti | redakti fonton]