Brunrubanda emberizo

El Vikipedio, la libera enciklopedio
Saltu al: navigado, serĉo
Vikipedio:Kiel legi la taksonomionKiel legi la taksonomion
Brunrubanda emberizo
Brunrubanda emberizo
Brunrubanda emberizo
Biologia klasado
Regno: Animaloj Animalia
Filumo: Ĥorduloj Chordata
Klaso: Birdoj Aves
Ordo: Paseroformaj Passeriformes
Familio: Emberizedoj Emberizidae
Genro: Emberiza
Specio: E. aureola
Emberiza aureola
(Pallas, 1773)
Konserva statuso
Aliaj Vikimediaj projektoj
v  d  r
Information icon.svg
Emberiza aureola - MHNT

La Brunrubanda emberizo, Emberiza aureola, estas birdo de la grupo de emberizoj el la ordo de paseroformaj birdoj kaj genro de la familio de Emberizedoj kiu iam estis enmetitaj en Fringedoj.

Tiu birdo estas simila laŭ grando al la Kanemberizo, sed pli longbeka. La reprodukta masklo havas brilflavajn subajn partojn kun nigra flanka strieco, brunajn suprajn partojn, nigran vizaĝon (kie kontrastas la fortika hela beko) kaj brunan strion inter flavaj duonkolumo kaj brusto (de kie venas la nomoj de la specio), kaj rozkoloran al helgrizan suban makzelon. En la brunaj flugiloj videblas blanka flugilstrio el ŝultroj kaj dua iom pli svaga pli sube.

La ino havas tre striecan grizbrunan dorson, kaj malpli intense flavajn subajn partojn. Ŝi havas helan vizaĝon kun malhelbruna krono, okulstrio kaj vango kaj blankecaj superokula strio kaj gorĝareo. Videblas ankaŭ la blankaj markoj en ŝultroj sed multe pli svagaj. Junulo estas simila, sed la fona koloro de la subaj partoj kaj vizaĝo estas sablokolora.

La alvoko estas distinga zik, kaj la kanto estas klara tru-tru, tri-tri.

Ili reproduktiĝas en nordorienta Eŭropo kaj tra norda Azio. Ĝi estas migranta specio, kiu vintrumas en sudorienta Azio, Barato kaj suda Ĉinio. Ĝi estas rara sed regula vaganto en okcidenta Eŭropo.

La Brunrubanda emberizo reproduktiĝas en malfermaj arbustaroj, ofte ĉe akvo, kaj ĝi estas tre komuna en Siberio. La ino demetas 4-6 ovojn en nesto surgrunda. Ties manĝo konsistas el insektoj dum idomanĝigado, kaj for de la reprodukta sezono semoj.

Ĝi estis iam klasita kiel Preskaŭ Minacata specio fare de la IUCN.[1] Sed nova priserĉado montris, ke ĝi estas pli rara ol supozite. Sekve ĝi estis listita al Vundebla statuso en 2008.[2]

Notoj[redakti | redakti fonton]

  1. BLI (2004)
  2. BLI (2008)

Referencoj[redakti | redakti fonton]

Eksteraj ligiloj[redakti | redakti fonton]

  • OBC 24 fotoj (vidu menuon sube)
Haliaeetus leucocephalus LC0198.jpg Rilataj artikoloj troviĝas en
Portalo pri Birdoj