Carlos Manuel de Céspedes

El Vikipedio, la libera enciklopedio
Saltu al: navigado, serĉo
Carlos Manuel de Céspedes
Ruinoj de La Demajagua

Carlos Manuel de Céspedes del Castillo naskiĝis en la antikva provinco Oriento (Kubo), nuntempe Granma (provinco), la 18-an de aprilo 1819 en Bayamo, Kubo - m. en 1874) estis kuba politikisto kaj militisto.

Filo de Jesús María Céspedes y Luque ankaŭ naskita en Oriento kaj de Francisca de Borja López del Castillo y Ramírez de Aguilar, naskita en Santa María del Puerto del Príncipe. Devenis el riĉa familio dediĉita al la sukerindustrio. Studis en la Havana Universitato kie abiturientiĝis en 1840. Vojaĝis al Hispanio cele al la daŭrigo de liaj studoj kaj frekventis frankmasonajn societojn kie partoprenis revoluciajn kaj kontraŭregistarajn agadojn pro kio estis arestita de la hispanaj aŭtoritatoj. Kiam revenis al Kubo estis pli konvinkita pri la neceso kaj urĝeco pri la sendependeco de Kubo, tiacele li serĉas kontaktojn kun oponantoj de la kolonia reĝimo, kiel Salvador Cisneros Betancourt Marqués de Santa Lucia, Bartolomé Masó kaj “Perucho” Figueredo. La plimulto de tiuj ĉi homoj venis el sukerindustriaj familioj de Oriento. Finfine decidiĝas kaj organizas kaj gvidas la Ribelon en Demajagua (10an de oktobro 1868) kiu estas konsiderata kiel la komenco de la milito por la kuba sendependeco kaj ankaŭ komenco de la unua periodo de la milito konata kiel "Dekjara Milito (Kubo)" (1868-1878),ofertas la liberecon de siaj sklavoj kaj invitas ilin batali kune kun li por la sendependeco.

Céspedes estis la reprezentanto de la plej radikala flanko de la revolucio, proponis la gradan abolicion kun monkompenso, de la sklaveco.

La Manifesto[redakti | redakti fonton]

Ellaboris la Manifeston de la 10an de Oktobro kiu diskonigis la celojn kaj kaŭzojn de la kreoloj, nun konvertitaj en kubanoj, kiu deklaris ke la kubanoj defendos violente se necesas, ilian naskiĝlokon kaj agnoskas ĝin kiel Patrio kaj Nacio.

En tiu ĉi historia dokumento estis traktitaj inter aliaj aspektoj:

«... Neniu ignoras ke Hispanio regas la Insulon de Kubo per sangumita fera brako... ke ĝi estas privatigita de ĉiaj liberecoj, politika, civila, religia, ĝiaj malfeliĉaj filoj estas elpelitaj de sia tero al foraj klimatoj aŭ ekzekutitaj sen proceso aŭ militaj komisionoj ... ĝi estas privatigita pri la rajto kunveni kie ajn...»

Ĉefaj Bataloj[redakti | redakti fonton]

Gvidis la trupojn la 11an de oktobro dum la Batalo de Yara, unua batalo kaj unua malvenko de kiu estos la estonta Kuba Liberiga Armeo. Partoprenas kaj gvidas kune kun aliaj patriotoj la konkeron de Bayamo la 20an de oktobro.

Eksiĝo[redakti | redakti fonton]

Reprezentanto de la Asembleo de Guáimaro de la antikva provinco Oriento, Céspedes arde defendis sian kriterion kontraŭ la kriterio de Ignacio Agramonte kaj aliaj, la neceso de registaro gvidata de militistoj sen la pezo de civiluloj kiuj bremsus la rapidan disvolviĝon de militistaj agadoj. Pro sia laboro en tiu ĉi asembleo serĉi la unuecon estis nomumita Prezidanto de la Ĉe-Milita Respubliko. Lia regado etendiĝas de la jaro 1869 ĝis la 27an de oktobro 1873 en kiu la Ĉambro de Reprezentantoj eksigas lin.

Lia eksiĝo, kune kun la forpaso de Ignacio Agramonte unu jaro antaŭe, sterkis la grundon por la florado de la malordo, malobeo, regionismo kaj sendisciplineco de la Liberiga Armeo,kiuj multe kostos al la kuba popolo dum tiu ĉi milito.

Patro de la Patrio[redakti | redakti fonton]

Lia figuro estas ekzemplo pri honesteco kaj kuraĝo. Oferis sian propran familion kaj riĉaĵojn por la sendependeco de Kubo. Estas konata kiel la Patro de la Patrio pro lia necedemo antaŭ la hispana propono liberigi lian filon Oscar, se li rezignos pri la sendependaj principoj. Kolere respondis ke ne nur Oscar estas lia filo sed ĉiuj kubanoj estis liaj filoj.