Dornach

El Vikipedio, la libera enciklopedio
Saltu al: navigado, serĉo
Dornach
Blazono de Dornach
Blazono de Dornach
Goetheanum en Dornach
Goetheanum en Dornach
Kantono Soloturno
Distrikto Dorneck
Koordinatoj  47°28′45″N 7°37′5″O  /  47.47917°N, 7.61806°O / 47.47917; 7.61806 (Dornach)Koordinatoj: 47°28′45″N 7°37′5″O  /  47.47917°N, 7.61806°O / 47.47917; 7.61806 (Dornach)
Nombro de enloĝantoj 6071
Areo 5,77 km²
Alteco 338 m super marnivelo
Poŝtkodo 4143
Komunumkodo 2473
Mapo de Dornach
Mapo de Dornach

Dornach estas la ĉefloko de la distrikto Dorneck en Kantono Soloturno en Svislando. Ĝi havis 6071 loĝantojn je la 31-a de decembro 2007.

Ĝi famiĝas ĉefe kiel centro de la antropozofia movado.

Geografio[redakti | redakti fonton]

La komunumo Dornach situas ĉe la bordo de la rivero Birs proksimume 10 kilometrojn sudoriente de Bazelo. Kun la najbaraj komunumoj Reinach en okcidento kaj Arlesheim en sudo Dornach praktike kunkreskis kaj formas integran parto de la aglomeraĵo de la urbo Bazelo.

La teritorio de la komunumo etendiĝas sur areo de 5,77 km², de kiuj 46,3% estas kovritaj de arbaro, 17,3% servas por agrikulturo kaj 35,5% por setlado. [1]

Najbaraj komunumoj[redakti | redakti fonton]

Dornach limas al Arlesheim (Kantono Bazelo Kampara), Gempen, Hochwald, Duggingen (Kantono Bazelo Kampara), Aesch (Kantono Bazelo Kampara) kaj Reinach (Kantono Bazelo Kampara).

Trafiko[redakti | redakti fonton]

Dornach situas ĉe la fervojlinio de Bazelo al Delemonto kaj estas servata de la regiona trajnlinio S3. Oriente de la komunumo pasas la ekspresvojo H18 kaj la kantona ĉefvojo n-ro 18 de Bazelo al Delemonto.

Datumoj[redakti | redakti fonton]

  • areo: 575 ha, el kiuj 45% arbaro, 29% setlejoj, 25% agrikulturo kaj 1% neproduktiva surfaco.
  • loĝantoj: 6221 (fine de 2005)
  • fremdlandanoj: 23%.
  • religio: 34% katolikoj, 22% reformitoj

Vidindaĵoj[redakti | redakti fonton]

  • Kapucena monaĥejo, kiu estis dum pli ol 330 jaroj religia centro de la nordokcidenta Svislando.
  • 22 metrojn longa memorigilo (reliefa muro) el 1949 por memorigi batalon de la ŝvaba milito en 1499.
  • Kantona administracio
  • Vilaĝcentro Dornachbrugg
  • Malnova ponto Birs kun statuo de Nepomuk
  • Hejmlandmuzeo Schwarzbubenland en la iama katolika preĝejo St. Mauritius
  • Malnova pastrodomo (nuntempe urbodomo)
  • Vilaĝocentro Oberdornach
  • Kastelruino Dorneck
  • Goetheanum

Historio[redakti | redakti fonton]

La unua dokumenta mencio de Dornach datiĝas el la jaro 1223 kiel Tornacho.

Famulo[redakti | redakti fonton]

Fotogalerio[redakti | redakti fonton]

Memorigilo de la ŝvaba milito
Hejmlandmuzeo en la iama preĝejo St. Mauritius
Dum festo en Dornach (Kühne Kisten)

Notoj kaj referencoj[redakti | redakti fonton]

  1. Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011

Eksteraj ligiloj[redakti | redakti fonton]