Internacia Holokaŭsta Memora Alianco
| Internacia Holokaŭsta Memora Alianco | ||
|---|---|---|
| ||
| interregistara organizaĵo | ||
| Komenco | 1998 vd | |
| Lando(j) | Germanio vd | |
| Sidejo | Berlino | |
| Fondinto(j) | Göran Persson vd | |
| Retejo | Oficiala retejo | |
La Internacia Holokaŭsta Memora Alianco (IHMA, angle International Holocaust Remembrance Alliance, akronime IHRA [1]) estas interregistara organizaĵo fondita en 1998, kiu kunigas registarojn kaj ekspertojn por plifortigi, antaŭenigi kaj antaŭenigi edukadon, esploradon kaj rememoron pri holokaŭsto tra la mondo kaj plenumi la devontigojn de la Deklaracio de la Stokholma Internacia Holokaŭsta Forumo (la t.n. "Stokholma Deklaracio").
Ĝi estas la sola interregistara organizaĵo dediĉita ekskluzive al tiu ĉi celo. Nuntempe (2021), la IHMA havas 34 membrolandojn [2] — 28 eŭropajn; kaj plie Israelo, Argentino, Kanado kaj Usono, Norda Makedonio (en statuso de partnera ŝtato [3]) — kaj ok observantoj [4] — ses eŭropaj, inkluzive de Turkio, kaj plie Urugvajo kaj Salvadoro.
La organizaĵo estis fondita fare de iama sveda ĉefministro Göran Persson en 1998. De la 26-a ĝis la 28-a de januaro 2000 okazis la Stokholma Internacia Holokaŭsta Forumo, kunigante altrangajn politikajn gvidantojn kaj oficialulojn el pli ol kvardek landoj por okazigi renkontiĝojn kun civitaj kaj religiestroj, postvivantoj, edukistoj kaj historiistoj. Nobel-premiito Elie Wiesel estis la Honora Prezidanto de la Forumo kaj profesoro Yehuda Bauer estis la Ĉefa Akademia Konsilisto [5].
La kriterioj por akcepto al la organizaĵo estas demokratia reĝimo de la lando serĉanta agnoskon, same kiel pruvo ke la temo de la holokaŭsto estas parto de la instruplano en la lando kaj ekzistas agado por memorigi la ĝin.
La prezidanteco de la Alianco estas laŭvice tenita ĉiujare de unu lando, ekzemple, en 2019 ĝi estis Luksemburgio.
En junio 2017, membroj de la Eŭropa Parlamento voĉdonis favore al adopto de la difino de la termino "antisemitismo" laŭ la kriterioj de la Internacia Holokaŭsta Memora Alianco [6]. Interalie, la difino deklaras ke opozicio al la ekzisto de la Ŝtato de Israelo estas antisemitismo. Tiu ĉi decido estis prenita kun malkontento pro la timo inter kelkaj landoj de situacio en kiu kritiko de la politiko de Israelo en la okupaciataj palestinaj teritorioj estus interpretita kiel antisemitismo [7]. En decembro 2018, ĝi estis anstataŭigita per kompromisa propono, laŭ kiu la adopto de la difino estas nedeviga rekomendo.
Referencoj[redakti | redakti fonton]
- ↑ The Holocaust and the United Nations Outreach Programme (EN). Arkivita el la originalo je 2016-02-02. Alirita 2016-02-02.
- ↑ Portugal Becomes 34th International Holocaust Remembrance Alliance Member (December 5, 2019).
- ↑ Liaison Countries. Arkivita el la originalo je 2018-07-21. Alirita 2017-08-01.
- ↑ Observer Countries. Arkivita el la originalo je 2017-09-11. Alirita 2017-08-01.
- ↑ Living History Forum. Arkivita el la originalo je 2017-08-01. Alirita 2017-08-01.
- ↑ European Parliament Resolution. Arkivita el la originalo je 2017-08-01. Alirita 2017-08-01.
- ↑ How should antisemitism be defined? | The Panel (angle) (2018-07-27). Arkivita el la originalo je 2018-09-16. Alirita 2018-09-21.