Jičín

	Jičín
	germane: Jitschin
	urbo
	Placo de Valdštejn en Jičín
Flago	Blazono
	Oficiala nomo: Jičín
Ŝtato	Ĉeĥio
Regiono	Regiono Hradec Králové
Distrikto	Distrikto Jičín
Administra municipo	Jičín
Historia regiono	Bohemio
Pejzaĝa regiono	Bohemia Paradizo
Memorindaĵoj	Valdica pordego
Rivero	Cidlina
Situo	Jičín
- alteco	287 m s. m.
- koordinatoj	50° 26′ 13″ N 15° 21′ 06″ O / 50.43694 °N, 15.35167 °O (mapo)
Areo	24,93 km² (2 493 ha)
Loĝantaro	16 851 (31.12.2010)
Denseco	675,93 loĝ./km²
Aleo	Aleo de Valdštejn
Unua skribmencio	1293
Horzono	MET (UTC+1)
- somera tempo	MET (UTC+2)
Poŝtkodo	506 01
NUTS 3	CZ052
NUTS 4	CZ0522
NUTS 5	CZ0522 572659
Katastraj teritorioj	4
Partoj de urbo	11
Bazaj sidejunuoj	28
Konatulo	Rumcajs
	Situo enkadre de Ĉeĥio Situo enkadre de Ĉeĥio
	Vikimedia Komunejo: Jičín
	Retpaĝo: www.jicin.cz
	Portalo pri Ĉeĥio

Reviziita versio de ĉi tiu paĝo, aprobita je 5 apr. 2013, estis bazita sur ĉi tiu versio.

Ĉi tiu artikolo temas pri Bohemia urbo. Por informoj pri Nord-Moravia urbo, vidu la artikolon Nový Jičín.

Koordinatoj: 50° 26′ 13″ N 15° 21′ 06″ O / 50.43694 °N, 15.35167 °O (mapo)

Jičín estas urbo kun 16 000 loĝantoj en orienta Bohemio. Ĝi estas turisma centro kaj elirloko ĝis la naturparko Český ráj (Bohemia Paradizo). La urbo industrie produktas agrikulturajn maŝinojn, nutraĵojn, teksaĵoj kaj meblojn. La urbon konatigis la fabela figureto Rumcajs, kiun kreis verkisto Václav Čtvrtek kaj pentristo Radek Pilař.

Kiel pruvas arkeologiaj trovaĵoj, la ĉi tiea regiono estis loĝigita jam en praepoko. Slavoj loĝis en ĝi jam ekde la 6-a jarcento. La komenco de la hodiaŭa Jičín tuŝas la 13-an jarcenton. Ĉirkaŭ la jaro 1300 la devena vilaĝo estis avancigita je urbo. La ligna, remparita urbo apartenis plej baldaŭ al Vartemberkidoj kaj ekde la jaro 1487 al Trčkidoj el Lípa, dum kies administrado okazis en la urbo granda evoluo. Vilém Trčka komencis en la urbo masonitan konstruadon kaj ties novajn remparojn. En la jaro 1607 Jičín fariĝis posedaĵo de Zikmund Smiřický. Post la batalo sur Blanka Monto ĝi fariĝis posedaĵo de imperiestra soldatestro Albrecht Eusebius de Wallenstein [Valenŝtajn] (ĉeĥe Valdštejn), kiu farigis el ĝi la ĉefurbon de sia regno. Albrecht decidiĝis helpe de famaj arkitektoj alikreigi la urbon en stilon de norditala renesanco. En la jaro 1710 la urbo denove ŝanĝis posedantojn kaj nova posedanto fariĝis la familio von Trauttmansdorf. En la jaro 1784 estis ĉi tien translokigita regiona oficejo kaj la urbo fariĝis sidejo de multaj oficejoj kaj lernejoj. En la urbo estiĝis industrio celita por produktado de maŝinoj bezonataj por agrikulturo, mebloindustrio, grandaj pomologiaj arbidejoj, sed ekz. ankaŭ produktado de pianoj.

Simbolo de la urbo estas la Valdica pordego, ĝi estis konstruita en la jaroj 1568 – 1578. La turo estas 52 m alta kaj kondukas tien 156 ŝtupoj, de supre ĝueblas bela panoramo.

Tilia aleo el la tempo de Valdštejn kunigas Jičín kun Libosad. Ĝi estas 1 700 m longa, kvarvica kun 1 200 tilioj.

Festivalo Jičín – urbo de fabelo estas aranĝata regule en la unua oktobra semajno.