Korado Korlević

El Vikipedio, la libera enciklopedio
Saltu al: navigado, serĉo
Korado Korlević

Korado Korlević en 2000
Korado Korlević en 2000

Persona informo
Nomo Korado Korlević
Dato de naskiĝo 19-a de septembro 1958
Loko de naskiĝo Poreč
Okupo
Aĝo 56
v  d  r
Information icon.svg

Korado Korlević (naskiĝis la 19-an de septembro 1958 en Poreč) estas kroata astronomo, abunda malkovrinto de asteroidoj : Laŭ Minor Planet Center, li malkovris aŭ kunmalkovris 1282 asteroidojn[1] inter 1996 kaj 2001, kaj du kometojn.

Kariero[redakti | redakti fonton]

Korlević komencis interesiĝi pri astronomio dum sia lernotempo en la Universitato de Pula, kie li aniĝis al la lokala grupo de amatoraj astronomoj. Dum la sekvaj jaroj li lernis konstrui teleskopojn kaj instruis astronomion por komencantoj al la Asocio de Amatoraj Astronomoj de Višnjan . En 1981 li diplomiĝis pri pedagogio en la Universitato de Rijeko .

En la fino de la 1980-aj jaroj, post esti instruisto en duagrada lernejoj, li estis unu el la fondintoj de la Jugoslava Lernejo pri Astronomio, pli malfrue konata sub la nomo Lernejo pri Astronomio de Višnjan, en kiu li serioze studis la meteorojn kaj la asteroidojn ; li havis centran lokon en la International Meteor Organization.

Korlević partoprenis al la unua internacia ekspedicio al la loko de la evento de Tungusko.[2] Sekve de tiu sukcesa ekspedicio, li iĝis aktiva por anstataŭi la teleskopon de la Observatorio de Višnjan, grave damaĝita dum la milito de julio 1991 al januaro 1992 : en 1995 la nova teleskopo ekfunkcis kaj permesis la malkovron de multnombraj asteroidoj kaj de 2 periodaj kometoj : 183P/Korlević-Jurić kaj 203P/Korlević .

La gupo de Višnjan konstruigis novan observatorion en la loko tiel nomata Tićan, ĉ. 4 km fore, por daŭrigi sian laboron pri la apud-teraj objektoj. En la situejo de Tićan ili ankaŭ konstruis la plej grandan "antenon de Schumann" el la mondo . Ili uzas ĝin por pruvi, ke la meteoroidoj enirantaj en la jonosferon havas signifan efikon sur la "resonanco de Schumann" ; tie estas la resonanco de elektromagnetaj ondoj inter la grundo kaj la jonosfero.

Aktivo en eduko[redakti | redakti fonton]

Korado Korlević estis la redaktoro de la astronomia bulteno "Nebeske krijesnice" , kaj estas ofte citita kiel spertulo koncern'al la artikoloj pri la malgrandaj korpoj (kometoj, asteroidoj, meteoroidoj) kaj la alfrapoj. La instruo pri astronomio restas por li centra prioritato kaj li elspezas multan tempon por komuniki sian entuziasmon al la junaj generacioj.

Honoroj[redakti | redakti fonton]

  • Premio "San Mauro" la vilaĝo de Poreč por merito en eduko
  • Premio "Edgar Wilson" 1999 por la malkovro de la kometo 183P/Korlevic-Jurić[3]
  • Premio "Edgar Wilson" 2000 por la malkovro de la kometo 203P/Korlević
  • Premio "Ivan Filipović" 2002 de la Kroata Ministerio pri Eduko

La asteroido 10201 Korado estis nomita en lia honoro.[4]

Notoj kaj referencoj[redakti | redakti fonton]

  1. MPC listo de asteroidaj malkovrintoj(angle)
  2. 1a Internacia Ekspedicio "The Jurney Through a mystery"(angle)
  3. The Edgar Wilson Award Recipients de IAU Central Bureau for Astronomical Telegrams (angle)
  4. Slipo de la asteroido (10201) Korado de IAU Minor Planet Center (angle)

Eksteraj ligiloj[redakti | redakti fonton]