Miĥajlo Hruŝevskij

El Vikipedio, la libera enciklopedio
Saltu al: navigado, serĉo
Poŝtmarko de Ukrainio, Miĥajlo Hruŝevskij, 1995, (Michel 153)

HRUŜEVSKIJ Miĥajlo ukraine Михайло Грушевський (1866-1934) - la unua prezidento de Ukrainio, fama historiisto, akademiano, organizanto de ukraina scienco, politika aganto, aŭtoro de pli ol 2000 sciencaj verkoj, verkisto.

Naskiĝis en Ĥolm (nuna Pollando), studis historion en Kijiva Universitato. 1894-1914 - profesoro de Lviva Universitato, prezidanto de Ŝevĉenka Scienca Societo, redaktoro de "Literatura-scienca heroldo".

1914 - revenis en Kijivon, 1917 - prezidanto de Centra Rada, kiu per sia Tria Universalo proklamis fondon de Ukraina Popola Respubliko. M. Hruŝevskij estis elektita ĝia unua prezidento. Kiam potencon forprenis hetmano Pavlo Skoropadskij, Hruŝevskij elmigris en Pragon, loĝis en Vieno.

1924 - revenis kun la familio al soveta Ukrainio, Kijivo. De 1931 devis loĝi en Moskvo. En 1934, ripozante en Kaŭkazo, subite mortis pro karbunklo. Estis entombigita en Kijivo.

M. Hruŝevskij estas aŭtoro de 6-voluma "Historio de ukraina literaturo", 10-voluma "Historio de Ukrainio-Rusjo", kiuj estis en Sovetio kritikataj pro la naciismo kaj malpermesitaj (forigitaj de ĉiuj bibliotekoj).