El Vikipedio, la libera enciklopedio
La federacia vojo 47 - germane Bundesstraße 47 - estas parto de reto de duarangaj interregionaj vojoj en Germanio, kiuj kompletigas la unuarangan reton de la germanaj aŭtovojoj. Ĝi vojas 143 kilometrojn tra la federaciaj landoj Rejnlando-Palatinato, Hesio, Bavario kaj Baden-Virtembergo. La plej okcidenta punkto estas la komunumo Hettenleidelheim, kie la vojo konektiĝas al la germana aŭtovojo A6, ĉe la norda parto de la naturparko Palatinata Arbaro, kaj la plej orienta la komunumo Walldürn.
Signifaj komunumoj survojaj estas Göllheim, Monsheim, Worms (kie kruciĝas la federacia vojo 9 kaj post tio la vojo pontiĝas super la Rejno al Hesio), Bürstadt (tie kruciĝas la federacia vojo 44), Lorsch (kie kruciĝas la germana aŭtovojo A67), kaj Bensheim (tie kruciĝas la germana aŭtovojo A67 kaj iom pli oriente la federacia vojo 3, la "Monta Vojo"). De tie la vojo situas en la mezalta montaro Odenvaldo: Plu sekvas la komunumoj Lindenfels, Reichelsheim (kie kruciĝas la federacia vojo 38), Michelstadt (tie kruciĝas la federacia vojo 44) kaj Amorbach. Ĉe la plej orienta finpunkto Walldürn la vojo eniras la federacia vojon 27, suden al Heilbronn, Stutgarto kaj la limo al Svislando, norden al Tauberbischofsheim, Fulda kaj al Blankenburg en la mezalta montaro Harco.
|
|
Ĉi tiu artikolo ankoraŭ estas ĝermo pri vojo.
|
