La federacia vojo 5 - germaneBundesstraße 5 - estas parto de reto de duarangaj interregionaj vojoj en Germanio, kiuj kompletigas la unuarangan reton de la germanaj aŭtovojoj. Ĝi kun kelkaj malgrandaj interrompoj vojas 555 kilometrojn tra la federaciaj landoj Ŝlesvigo-Holstinio, Hamburgo, ree Ŝlesvigo-Holstinio, Meklenburgio-Antaŭpomerio, Brandenburgio, Berlino kaj ree tra Brandenburgio. La plej okcidenta kaj norda punkto estas la komunumo Ellhöft ĉe la limo al Danio kaj la plej orienta kaj suda la komunumo Frankfurto ĉe Odro ĉe la limo al Pollando. Gravaj urboj survojaj estas Husum, Heide, Hamburgo, Lauenburg, Ludwigslust, Perleberg, Nauen kaj Berlino. Historie la vojo nomiĝis regna vojo 5 - germaneReichsstraße 5 - kaj plu gvidis orienten tra Breslaŭo (ekde 1945 esperante Vroclavo) ĝis la urbo Beuthen (ekde 1945 Bytom), kiu pro limŝanĝoj jam ekde 1921 estis limurbo al Pollando.
