Alkmaar

Ĝemelurboj
	Bergama • Bath • Darmstadt • Troyes • Tata • Uitenhage • Kunmingo vd

Municipo Alkmaar
Flago de la municipo Alkmaar	Blazono de municipo Alkmaar
nederlanda municipo
Ĝemelurboj
	Bergama • Bath • Darmstadt • Troyes • Tata • Uitenhage • Kunmingo vd
Provinco	Nord-Holando (Noord-Holland)
Urbestro	Piet Bruinooge
Ĉefloko	Alkmaar
Areo; - Tero; - Akvo	31,22 km²; 30,22 km²; 1 km²
Loĝantaro; - Loĝdenso	94.216 (1-a de julio 2006); 3118 loĝ./km²
Geografia situo	52° 38′ N, 4° 45′ O (mapo)52.6333333333334.75Koordinatoj: 52° 38′ N, 4° 45′ O (mapo)
	Alkmaar (Nederlando)
	Alkmaar (Nederlando)
Gravaj trafikaj arterioj	A9 N9 N203 N242 N243 N244 N245 N508 N510 N512
CBS-municipokodo	0361
Telefona kodo	072
Poŝtkodo	1800–1831
Oficiala retejo	https://www.alkmaar.nl/
	v • d • r

Alkmaar (esperantigite Alkmaro) estas urbo kaj municipo en la nederlanda provinco Nord-Holando (Noord-Holland). Laŭ la stato de 2021 en la municipo vivis 109 896 loĝantoj sur areo de 31,22 kvadrataj kilometroj, kio rezultigas loĝdenson de 3 520 loĝantoj/km². La teritorio havas komunan limon kun Dijk en Waard, Heiloo, Bergen, Beemster, Wormerland, Zaanstad, Uitgeest, Castricum kaj Koggenland. Ekde la komenco de 2015 ankaŭ la eksaj najbaraj minicipoj Schermer kaj Graft-De Rijp apartenas al la urba areo.

Ĝi i.a. estas konata pro la fromaĝo-bazaro kiu okazas ekde la unua vendredo en aprilo ĝis inkluzive la unua vendredo en septembro, ĉiun vendredomatenon de la 10-a horo - 12-a horo. Ĝi estas unu el la kvar fromaĝobazaroj, kiuj ankoraŭ ekzistas en Nederlando. La bazaro okazas antaŭ la Waag (pesejo), kiu ankaŭ servas kiel loko por la Holanda Fromaĝomuzeo kaj la turisma oficejo. En la urbo aktivas interalie la futbalklubo Alkmaar Zaanstreek (AZ).

Famuloj

Hendrik Dirk Kruseman van Elten (1829-1905), pentristo, litografo kaj redaktisto
Willem Hofdijk (1816-1888), verkisto kaj pedagogo
Nycke Groot (n. 1988), manpilkistino

Ĝemelurboj

Bath en Britio ekde 1945
Bergama en Turkio ekde 2000
Darmstadt en Germanio ekde 1958^[1]^[2]^[3]
Tata (Hungario) en Hungario ekde 1985
Troyes en Francio ekde 1958
Uitenhage en Sud-Afriko

La Esperanto-klubo Alkmaro havas kontaktojn kun 3 ĝemelurboj, nome: Tata en Hungario, Darmstadt en Germanio kaj Troyes en Francio. Tiuj kontaktoj devenas el la oficialaj komunumaj kontaktoj inter la urboj. En la klubo estas ankaŭ membroj el la ĉirkaŭaĵo, i.a. el Heerhugowaard. Kaj tiu municipo havas rilatojn kun Kalisz, Pollando (tial la klubo ĉiam ankaŭ invitas la Esperantistojn el Kalisz), kaj kun la Esperanto-Grupo de Brescia (Breŝo), Italio.

Laŭ televida raportaĵo de la regiona televido NH Nieuws (novaĵoj de Norda Holando) el 2013 en la municipa vilaĝo West-Grafdijk (ĝis 2014 en la najbara municipo Graft-De Rijp) antaŭ 1940 laudire praktike ĉiu vilaĝano parolis Esperanton.^[4] La Dua mondmilito abrupte disbatis tiun idilion. Kompreneble tiu epoko ankaŭ en 2013 jam estis tiom distanca, ke la nunaj vilaĝanoj ankoraŭ memoras ke tiel estis, sed nun neniu plu flue parolas la lingvon, nur iuj maljunuloj ankoraŭ memoras unuopajn vortojn. Restas nur iuj memoroj kaj memoraĵoj, kiel vitra florvazo kun esperanta skribaĵo...