Managvo

El Vikipedio, la libera enciklopedio
(Alidirektita el Managŭo)
Managvo
urbo
Fotomontaĵo
urbego • milionurbo • ĉefurbo • municipo de Nikaragvo

Flago

Blazono

Flago Blazono
Administrado
Statuso Urbo
Lando  Nikaragvo
Departemento Managvo (departemento)
Fondita 1819
Poŝtkodo 10000–14345
En TTT Oficiala retejo [+]
Demografio
Loĝantaro 1 058 191 (2 021)
Loĝdenso 3 960 loĝ./km²
Geografio
Geografia situo 12° 9′ N, 86° 16′ U (mapo)12.154372222222-86.273766666667Koordinatoj: 12° 9′ N, 86° 16′ U (mapo) [+]
Alto 83 m [+]
Areo 267,2 km² (26 720 ha) [+]
Horzono UTC -6
Managvo (Nikaragvo)
Managvo (Nikaragvo)
DEC
Managvo
Managvo
Situo de Managvo

Map

Alia projekto
Vikimedia Komunejo Managua [+]
vdr

Managvo (pli ĝuste, sed pli malofte Managŭo, hispane Managua, elparolu: Managŭa) estas milionurbo, ĉefurbo de Nikaragvo, de ties departemento kaj universitata urbo. Ĝi estas la plej granda urbo en Centra Ameriko. Fine de 2005 en la urbo vivis 937 489 loĝantoj[1].

Geografio[redakti | redakti fonton]

la katedralo de Managvo
urba silueto, fone la lago Managvo

Managvo situas ĉe la suda bordo de Lago Managvo, kiu estas meza-okcidenta parto de la lando.

La monteto de Tiscapa estas malgranda monteto formita de antikva vulkano, kiu situas en la urbo Managvo. Ĝi estas tre grava en la historio de Nikaragvo. En ĝia kratero troviĝas la Lageto de Tiscapa.

Historio[redakti | redakti fonton]

Fondita en la 16-a jarcento, Managvo fariĝis la landa ĉefurbo en 1855; antaŭe tiu ĉefeco apartenis alterne al la urboj Leono kaj Granado.

Managvo suferis fortan tertremon kun fajro kaj estis grandparte detruita je la 31-a de marto de 1931. La 23-an de decembro de 1972, ĝi suferis novan tertremon, kiu kaŭzis pli ol 10 000 mortojn. Ekestis granda internacia kampanjo por helpi la supervivantojn, sed estas pruvoj ke la diktatoro Somoza kaj liaj trupoj prenis grandan parton da ĝi, kio probable multe helpis en lian forigon el la povo fare de la sandinistoj kelkajn jarojn poste. La centra parto de la urbo ankoraŭ montras la damaĝojn tiam kaŭzitajn.

Ĉiufoje ĝi estis rekonstruita ĉirkaŭ la malnova centro, la hodiaŭa 'Areo monumental', (la kvartalo ĉirkaŭ la ruinoj de la katedralo, la nacia palaco, la teatro Ruben Dario kaj la nova prezidanta palaco). Uragano Mitch kaŭzis tamen en la jaro 1998 denovan detruon.

Pro redetruado, la ĉefurbo de Nikaragvo hodiaŭ ne havas centralecon, kaj sekve - ankaŭ pro krima danĝero - ĝi ne tre rekomendiĝas por turistoj sen gvido. Krome, multaj stratoj ne havas nomojn kaj stratkondiĉoj tre varias.

Trafiko[redakti | redakti fonton]

En distanco de 13 kilometroj troviĝas la internacia flughaveno de Managvo. La urbon trairas internacia aŭtovojo nomata Tut-Amerika Ŝoseo. Trajno trafikas al la Pacifika oceano.

Ĝemelurboj[redakti | redakti fonton]

Referencoj[redakti | redakti fonton]

Eksteraj ligiloj[redakti | redakti fonton]