Metroo de Moskvo

Metroo de Moskvo Московский метрополитен
Stacioj de Metroo de Moskvo
Ĝeneralaj informoj
Loko	Moskvo  Rusio
Transportsistema speco	Metroo
Komenco de trafiko	15-a de majo 1935
Teknikaj informoj
Longeco de sistemo	346 km
Nombro de linioj	13
Nombro de stacioj	206
Aliaj informoj
Pasaĝeroj tage	9 milionoj (2012)
Traklarĝo	1 520 mm
Posedanto	Registaro de Moskvo
Transportisto	Metroo de Moskvo

Metroo de Moskvo (aŭ Moskva metroo, ruse Московский метрополитен) estas plejparte subtera sistemo de reltransporto (metroo) en urbo Moskvo (ĉefurbo de Rusio) kaj en kelkaj apartaj lokoj de Moskva provinco. Ĝi estas unu el plej ŝarĝitaj metrooj en mondo: dum unu labora tago veturigas ĝis 9 milionoj da pasaĝeroj.

Unua linio de Moskva metroo estis malfermita por pasaĝeroj la 15-an de majo 1935 kaj situis ekde Sokolniki ĝis Park Kulturi kun branĉo ĝis Smolenskaja. Dum unuaj 20 jaroj ĝi estis je nomo de Lazar Kaganoviĉ, ekde 1955 estas je nomo de Lenin.

Metroo de Moskvo enhavas en 2016, 13 liniojn kaj 203 staciojn. Ĝis jaro 2020 estas planata aldonado de 78 novaj stacioj. Komuna longo de metrolinioj (durelaj) estas 339 km.

Teknikaj detaloj

• Moskva metroo funkcias ekde 5.30 ĝis 1.00 ĉiutage.
• Ŝpuro estas 1520 mm.
• Pasaĝeraj trajnoj estas elektraj kaj prenas elektron el kontaktrelo.
• Tensio estas 750 V (en bornoj de subcentraloj — 825 V).
• Maksimuma rapideco — 80 km/h.
• Averaĝa rapideco kun haltoj — 42 km/h.
• Intervaloj — minimume 90 sekundoj, maksimume 10 minutoj (nokte je la linio Aleksandrovskij sad - Meĵdunarodnaja pli longe).

Mapo

Mapo de Metroo de Moskvo (2016)

Linioj

Linioj de Moskva metroo (koloroj en tabelo estas samaj kiel en mapo, informo estas por jaro 2016):

#	Nomo (en Esperanto kaj ruse)	Jaro de malfermo	Longo	Daŭro de veturo
010	Ruĝa — Sokolniĉeskaja — Сокольническая	1935	32,6 km	47,5 min
020	Verda — Zamoskvoreckaja — Замоскворецкая	1938	42,9 km	64 min
030	Blua — Arbatsko-Pokrovskaja — Арбатско-Покровская	1938	45,1 km	67 min
040	Helblua — Filovskaja — Филёвская	1935	14,9 km	29 min
050	Kolcevaja linio — Кольцевая	1950	19,3 km	30 min
060	Oranĝkolora — Kaluĵsko-Riĵskaja — Калужско-Рижская	1958	37,6 km	57,5 min
070	Violkolora — Tagansko-Krasnopresnenskaja — Таганско-Краснопресненская	1966	42 km	59,5 min
080	Flava — Kalininsko-Solncevskaja — Калининско-Солнцевская	1979	16,5 km	21,5 min
081	Flava — Kalininsko-Solncevskaja — Калининско-Солнцевская	2014	35,5 km	3 min
090	Griza — Serpuĥovsko-Timirjazevskaja — Серпуховско-Тимирязевская	1983	41,2 km	59 min
100	Helverda — Lublinsko-Dmitrovskaja — Люблинско-Дмитровская	1995	33,5 km	44 min
110	Bolŝaja kolcevaja linio — BKL — Большая кольцевая линия	2018	61 km
111	Verdblua — Kaĥovskaja — Каховская	1984	3,3 km	5 min
120	Leĝera — Butovskaja — Бутовская	2003	10,0 km	18 min
130	Monorelo de Moskvo — Московский монорельс	2004	4,7 km	20 min
140	Centra ringo de Moskvo — Московское центральное кольцо	2016	54 km	84 min
150	Koĵuĥovskaja linio — Кожуховская линия	2018	16,7 km
160	Kommunarka linio — линия на Коммунарку	2023

Sume 349.5 km (sen Monorelo, Centra ringo de Moskvo kaj projektataj linioj).

Linioj

Monorelo de Moskvo

En skemo estas ankaŭ Monorelo de Moskvo (linio 13, antaŭe nomita M1) ĝis 2008 funkciinta en ekskursa reĝimo: ekde la 8-a ĝis la 20-a horo kun 20-minutaj intervaloj; bileto kostis kelkoble pli ol en metroo. Ekde 10-a de januaro 2008 ĝi funkcias en transporta reĝimo. Ekde 1-a de januaro 2013 biletoj de Moskva metroo estas uzeblaj ankaŭ tie.

Specialaj linioj

En Moskvo ekzistas sekreta metroa linio konstruita dum la stalina epoko pri kiu oni scias malmulte. Ĝi ne estas uzebla de pasaĝeroj.

Stacioj

Pli detalaj informoj troveblas en la artikolo Listo de stacioj de Moskva metroo.

Moskva metroo enhavas 203 funkciantajn staciojn. Kelkaj stacioj estas konstruataj.

• Unuaj malfermitaj stacioj (la 15-an de majo 1935): 010 Sokolniki, Krasnoselskaja, Komsomolskaja, Krasnije Vorota, Kirovskaja, Dzerĵinskaja, Oĥotnij Rjad, Biblioteka imeni Lenina, Dvorec Sovetov, Park Kulturi Imeni Gorjkogo, 040 Ulica Kominterna, Arbatskaja, Smolenskaja.
• Lastaj malfermitaj stacioj
  • la 18-an de januaro 2016: 010 Rumjancevo
  • la 15-an de februaro 2016: 010 Salarjevo
  • la 16-an de septembro 2016: 100 Butirskaja, Fonvizinskaja, Petrovsko-Razumovskaja
  • la 16-an de marto 2017: 081 Ramenki, Lomonosovskij prospekt, Minskaja
  • la 31-an de decembro 2017: 020 Ĥovrino
  • la 26-an de februaro 2018: 110 Delovoj centr, Ŝelepiĥa, Ĥoroŝovskaja, CSKA, Petrovskij park
  • la 22-an de marto 2018: 100 Okruĵnaja, Verĥnije Liĥobori, Seligerskaja
  • la 30-an de aŭgusto 2018: 081 Miĉurinskij prospekt, Ozjornaja, Govorovo, Solncevo, Borovskoje ŝosse, Novoperedelkino, Rasskazovka

Biletoj

En Moskva metroo aspekto de biletoj ofte ŝanĝiĝas. Ekde 1-a de januaro 2013 oni uzas novan komunan bileton por veturoj en metroo kaj surtera transporto.

Magneta bileto de moskva metroo por 20 veturaĵoj. Ĝi estas kartona, de amplekso 84*54 mm. Ĝi jam estis uzita 9 foje, do ĝi validas por ankoraŭ 11 fojoj (nombro "11" en la fino de tria linio sur la dorsa flanko).

Teksto sur vizaĝa flanko de la bileto:

"Moskva metropoliteno

Bileto № ...

Sur rea flanko de la bileto dum vendo en du unuaj linioj sinsekve estas skribitaj: limo de kvanto da veturaĵoj, kosto, lasta tago kiam oni devas komenci uzi la bileton. (vere en tiu bildo ĉi tiuj linioj estas du antaŭlastaj, ĉar sur ĵus vendita bileto estas nur tri lastaj linioj)

Dum la unua uzo informo pri periodo de uzado estas printata. (en la unua linio)

Veturigado de pakaĵo pagatas aparte.

La bileto bezonas gardan konservon kaj uzon.

Konservu la bileton ĝis fino de la veturaĵo.

Falsado de biletoj estas punata laŭ leĝo."

Legu E-lingvajn konsilojn — Kiel uzi Moskvan metroon.

Wi-Fi

La 2-an de decembro 2014 la sendrata Wi-Fi estas nun havebla en ĉiuj metrolinioj de la Metroo de Moskvo. Ĉiuj 12 linioj estas ekipitaj de senpaga retaliro, kun longeco de pli ol 325 km, dum la nombro de veturiloj kiuj havas alirpunkton estas pli ol 5 mil. Nuntempe Wi-Fi reto funkcias en prova modo, ĝi funkcios ekde la 1-a de januaro 2015 en plena sendrata retaliro en la metroo.

Estas grave noti, ke tia projekto estas unika en la mondo ĝis nun. En kelkaj urboj ĉirkaŭ la mondo estas Wi-Fi en la metrostacioj, sed ne en la tuneloj. En Moskvo, tiu servo estas havebla al pasaĝeroj nur en veturiloj, en stacidomoj kaj en la vestibloj la reto ne estas havebla. La datuma transsenda rapideco estas de pli ol 100 Mbit/s en la vagonaro.

"Provizi aliron al la Interreto en la metroo - tio estas ne nur transport-servoj, sed ankaŭ servoj, celantaj certigi pli komfortan iradon al niaj pasaĝeroj", - diris la ĉefo de la Moskva Metroo Dmitrij Pegov.

La projekto ekipi veturantan materialon de la metroo per Wi-Fi reto komencis esti implementita ekde la 1-a de septembro 2013. La unuaj linioj ekipitaj de senpaga retaliro estis Kaĥovskaja linio kaj Kolcevaja linio. La posedanto kaj funkciigisto de sendrata norma datum-reto Wi-Fi en la veturanta materialo de Moskva metroo estas kompanio "Maxima Telekom". Je propra kosto la entrepreno instalis bazo-staciojn kaj ekipis la veturilojn per la necesa materialo por ricevi kaj transdoni signalon.

Moskva metroo en beletro

En Esperanto-literaturo

• Konstruado de Moskva metroo estas ĉefa temo de fama romano de Vladimir Varankin "Metropoliteno".

En rusa literaturo

• "Nokta patrolo" (ruse "Ночной дозор"), Sergej Lukjanenko
• "Metroo-2033" (ruse "Метро-2033"), "Metroo-2034" (ruse "Метро-2034"), Dmitrij Gluĥovskij

Vidu ankaŭ

• Metroo
• Listo de metrooj en la mondo
• Listo de stacioj de Moskva metroo
• Publika transporto de Moskvo
• Nokta publika transporto en Moskvo
• Ĝardena ringo (Moskvo)

Eksteraj ligiloj

• Oficiala retejo (ruse)
• Oficiala retejo (malnova versio)
• Московский транспорт (ruse)
• Oficiala mapo de la Metroo de Moskvo
• Interaktiva mapo
• Kiel uzi moskvan metroon (esperante)
• Paleontologio de Moskva metroo (Палеонтология Московского метро) (ruse)