Stanisław Szczuka
| Stanisław Szczuka | |
|---|---|
| Persona informo | |
| Naskiĝo | 25-an de novembro 1928 en Varsovio |
| Morto | 20-an de aprilo 2011 (82-jaraĝa) |
| Lingvoj | pola |
| Ŝtataneco | Pollando 
|
| Alma mater | Faculty of Law and Administration, University of Warsaw (en) 
|
| Familio | |
| Infano | Kazimiera Szczuka (en)
|
| Okupo | |
| Okupo | advokato
|
Stanisław Szczuka (naskiĝis la 25-an de novembro 1928 en Varsovio, mortis la 20-an de aprilo 2011) – pola advokato, defendanto en politikaj procesoj en Pola Popola Respubliko. Kunlaboranto de Interven-Buroo de la Komitato de Socia Memdefendo ĉe KOR.
Vivo
[redakti | redakti fonton]En 1952 li finis juron ĉe la Jura Fakultato de Varsovia Universitato. En la jaroj 1951–1955 adovakta aplikanto, de 1955 advokato, en la jaroj 1955–1993 membro de la advokata skipo n-ro 25 en Varsovio, poste gvidanta individuan kancelarion.
En 1956 li gvidis aferon pri rehonorigo de la gvidantoj de Pola Subtera Ŝtato, kondamnitaj en stalinismaj procesoj. Li estis defendanto aŭ prokuristo de damaĝitoj en multaj politikaj procesoj, interalie de
- studentoj de Varsovia Universitato kaj Akademio de Belartoj (ASP) arestitaj post la eventoj de marto 1968
- Jakub Karpiński en la proceso de tatranoj (kontrabando de samizdatoj)
- personoj akuzitaj pri konfuzo de la socia ordo decembre 1970 en Varsovio
- Jan Kapuściński kaj Stefan Niesiołowski en la proceso de organizaĵo "Ruch" (Movado) (rezulte de la decida defendo estis por 3 monatoj suspendita pri plenumo de la profesio) (1971)
- Wojciech Ziembiński juĝata lige al la afiŝ-kampanjo kun mortanoncoj la 11-an de novembro kaj en pluraj aliaj procesoj
- Władysław Siła-Nowicki lige al lia advokata agado en la procesoj de reprezalioj en Radom en 1976
- en pluraj procesoj pri trouzoj fare de funkciuloj de Civitana Milico
- en procesoj de la ĵurnalistoj de bultenoj de "Solidareco" en Puławy post la 13-a de decembro 1981
- Irena Rasińska kaj Zbigniew Pietrzak en la proceso de Radio Solidareco en Varsovio en 1983
- en proceso de Interfaka Laborista Komitato "Solidareco" en 1983
- en proceso de Roland Kruk el la Movado "Libero kaj Paco" en 1987
Li estis, kune kun Jan Olszewski, Antoni Pajdak kaj Wojciech Ziembiński, kunaŭtoro kaj subskribinto de la Letero de 14, en kiu polaj juristoj kaj sciencistoj protestis kontraŭ drastaj reprezalioj aplikataj al partoprenantoj de la eventoj en junio 1976, kaj ankaŭ kontraŭ enskribo en la Konstitucion de Pola Popola Respubliko de la regulo pri sentuŝebleco de alianco kun Sovetunio.
Bofilo de Władysław Winawer.
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Teresa Bochwic, Stanisław Szczuka, en: Opozycja w PRL. Słownik biograficzny 1956–89 (Opozicio en Pola Popola Respubliko. Biografia vortaro 1956-89), volumo 2, KARTA-Centro, Varsovio 2002.
- Biogram na stronie Encyklopedii Solidarności Arkivigite je 2017-10-01 per la retarkivo Wayback Machine Biografio en Enciklopedio de Solidareco
- Wspomnienie na oficjalnym blogu Janusza Korwin-Mikkego (26.04.2011) Arkivigite je 2012-07-15 per Archive.today Rememoro en oficiala blogo de Janusz Korwin-Mikke
- Nekrolog w Gazecie Wyborczej Nekrologo en "Gazeta Wyborcza"