Stucilo
Stucilo[1], aŭ heĝotondilo[2] estas ĝardena ilo aŭ maŝino uzita por pritondado de heĝoj, izoliaj arbedoj kaj arbustoj. Ekzistas diferencaj tipoj de stuciloj, same kiel permanaj kaj permaŝinaj versioj.
Tipoj
[redakti | redakti fonton]Memstaraj stuciloj
[redakti | redakti fonton]La energifonto de memstaraj stuciloj povas esti homforto, benzino, aŭ elektro.
- Permanaj stuciloj estas konceptitaj kiel grandaj tondiloj. Ili nenion bezonas por funkcii kaj estas la plej malmultekostaj kaj medioprotektemaj.
- Permotoraj stuciloj permesas pli rapidan kaj malpli lacigantan laboron ol permanan. La tranĉantaj mekanismoj estas similaj al tiuj de klingara trabo de falĉ-maŝino por herbo [3] . Ĝenerale permotoraj stuciloj estas konceptitaj kun sekurigaj mekanismoj tiel ke ili ne funkcias kiam ambaŭ manoj de la operatoro ne estas sur la teniloj.
- Benzin-motoraj stuciloj emas esti pli potencaj sed pli pezaj kaj pli malfacilaj por starti.
- Elektraj stuciloj emas esti pli malpezaj kaj malpli fortaj ( ol benzinmotoraj versioj ) same kiel malpli poluaj kaj malpli bruaj, tamen ili ankoraŭ daŭre postulas elektran kablon kun la plej multaj tipoj ( se ne ekipitaj kun akumulatoroj ).
-
Permana stucilo kun teleskopaj teniloj -
Elektra stucilo -
Traktore-movigitaj stuciloj
[redakti | redakti fonton]Traktore-muntitaj kaj traktore-movigitaj stuciloj ankaŭ ekzistas, sed ne estas komunaj. Tiuj agrikulturaj maŝinoj konsistas el movebla brako ( hidraŭla bumo ) kun granda stucilo ligita al ĝia ekstremaĵo. Iliaj tranĉantaj mekanismoj similas tiujn de klingara trabo. Ofte tiaj grandaj stuciloj estas interkonfuzitaj kun traktore-muntitaj frapilo-pulverigiloj ( bumoj kun frapil-pulverigilaj alfiksaĵoj ), kiuj ŝajnas similaj kaŭze de la uzado de la bumoj. Kaj en komuna populara lingvo ambaŭ, traktore-montitaj stuciloj kaj frapilo-pulverigiloj, estas nomataj – sufiĉe malprecize – heĝo-tranĉiloj, aŭ arbedo-tranĉiloj. Kontraste kun traktore-muntitaj stuciloj, frapilo-pulverigiloj havas diferencan tranĉantan mekanismon, kan ne sole estas uzitaj por tondado de heĝoj, sed ankaŭ por aliaj uzoj ( falĉado de altaj herboj, falĉado de vojoflankoj, prizorgado de kanaloflankoj, k.t.p. ).
-
Traktore-montita stucilo -
Detala bildo -
Frapilo-pulverigilo uzita por heĝo-tondado
_067.jpg)
Krome, iuj specialaj maŝinoj permesas facilan stucadon de specifaj plantoj aŭ nutraĵo-kultivaĵoj, kaj foje estas ankaŭ nomataj "stuciloj". Tiuj inkludas ekzemple "vinberujo-stucilojn", kaj "arbo-stucilojn" ( "arbo-senpintigilojn" ). Iliaj tranŝantaj mekanismoj tre diferencas de tiuj de stuciloj.
Referencoj
[redakti | redakti fonton]- ↑ Eicholz, Rüdiger 1988 : Esperanta Bildvortaro, Esperanto Press, Bailieboro, Ontario, Kanado, 880 pp., p. 112. ISBN 0-919186-32-7 esperante
- ↑ Erich-Dieter Krause: Großes Wörterbuch Deutsch-Esperanto, Helmut Buske Verlag, Hamburg 2007, paĝo 611, kapvorto Heckenschere, ISBN 978-3-87548-466-3 germane, esperante
- ↑ Eicholz, Rüdiger 1988 : Esperanta Bildvortaro, p. 130. esperante
Eksteraj ligiloj
[redakti | redakti fonton]
| ||||